January 2018

ရန်ကုန်၊ ဇန်န၀ါရီ ၃၀

ရန်ကုန်မြို့တွင်း ပြေးဆွဲနေသည့် အငှားယာဉ် တက္ကစီများတွင် တပ်ဆင်ထားသော နေကာပစ္စည်းများကို ဇန်န၀ါရီ ၃၁ ရက်အပြီး ဖယ်ရှားပြီးမှ မောင်းနှင်ကြရန် ရန်ကုန်တိုင်းဒေသကြီး ယာဉ်စည်းကမ်းထိန်းသိမ်းရေး ကြီးကြပ်မှုကော်မတီက ကြေညာထားသည်။

တက္ကစီများတွင် နေကာအဖြစ် အသုံးပြုလျက်ရှိသော ကားမှန်စတေကာများ၊ လေစုပ်ခွက်နေကာများ၊ လိုက်ကာများအပြင် ကြော်ငြာနေကာ တပ်ဆင်ထားခြင်းများအား အမြန် ဖယ်ရှားပေးရမည်ဖြစ်သည်။

ယင်းကြေညာမှုမှာ မကြာသေးမီက ဖြစ်ပွားခဲ့သော အစိုးရ၀န်ထမ်းအမျိုးသမီးတစ်ဦးအား အငှားယာဉ်မောင်းတစ်ဦးက အဓမ္မပြုကျင့် သတ်ဖြတ်ခဲ့မှုပြီး ဝေဖန်မှုများ ထွက်ပေါ်လာပြီးနောက် ယင်းကဲ့သို့ ကြေညာချက် ထွက်ပေါ်လာခြင်း ဖြစ်သည်။

ဖေဖော်ဝါရီ ၁ ရက်နေ့အထိ ယင်းနေကာပစ္စည်းများအား ဖယ်ရှားဖြုတ်သိမ်းခြင်း မရှိသေးသော အငှားယာဉ် တက္ကစီများကို ဖမ်းဆီးကာ လုပ်ငန်းလိုင်စင်ပိတ်သိမ်းသည်အထိ ထိရောက်စွာ အရေးယူမည်ဖြစ်ကြောင်း ယာဉ်စည်းကမ်းထိန်းသိမ်းရေး ကြီးကြပ်မှုကော်မတီက ကြေညာထားသည်။

အောက်ချင်းသစ္စာ သတင်းအေဂျင်စီ
Read more »

တစ်ရက်ကို ၄၆၈ သန်း၊ ကျပ်သန်း ၁၅၀၀ ကျော်ဆိုတော့ လေးရက်စာနီးပါး


ရန်ကုန်၊ ဇန်န၀ါရီ ၂၆

ဗိုလ်ချုပ်အောင်ဆန်း အတ္ထုပ္ပတ္တိရုပ်ရှင် ရိုက်ကူးရေးအတွက် ကျပ်သန်းပေါင်း ၁၅၀၀ ကျော် သုံးမယ်လို့ သာသနာရေးနဲ့ ယဉ်ကျေးမှုဝန်ကြီးဌာန ပြည်ထောင်စုဝန်ကြီး သူရဦးအောင်ကိုက ဆိုလိုက်ပါတယ်။ နေပြည်တော်မှာ ပြုလုပ်တဲ့ ဒုတိယအကြိမ် ဗိုလ်ချုပ်အောင်ဆန်း အတ္ထုပ္ပတ္တိရုပ်ရှင် ရိုက်ကူးထုတ်လုပ်ရေးလုပ်ငန်းကော်မတီ ညှိနှိုင်းအစည်းအဝေးမှာ မီဒီယာတွေက မေးလို့ ဖြေကြားလိုက်တာပါ။

ဒီရုပ်ရှင်အတွက် ကျပ်သန်း ၃၀၀၀ (သုံးဘီလျံ) ကုန်ကျမယ်လို့ မှန်းထားပေမယ့် နိုင်ငံတော်အတိုင်ပင်ခံက ချွေချွေတာတာ လုပ်ဖို့ ညွှန်ကြားလိုက်တဲ့အတွက် ကျပ် သန်း ၁၅၀၀ ကျော်ပဲ သုံးဖို့ ဖြစ်လာတာပါ။ လတ်တလောမှာ ရုပ်ရှင်ရိုက်ဖို့အတွက် အလှူငွေက ကျပ်သိန်းပေါင်း ၈၄၀၀ ရရှိထားပြီး ထပ်လှူလာကြမယ့် ကျပ်သိန်းပေါင်း ၇၀၀၀ ကိုပေါင်းပြီး ၂၀၁၉ ခုနှစ်မှာ အပြီးရိုက်ကူးမယ်လို့ ဆိုပါတယ်။

ရိုက်ကူးရေးအတွက် သုံးမယ့် ဒီငွေပမာဏဟာ အလှူငွေတွေဖြစ်ပေမယ့် ဒီကုန်ကျစရိတ်ဟာ မြန်မာပြည်က ဖွံ့ဖြိုးမှုနည်းတဲ့ ကယားပြည်နယ်ရဲ့ စုစုပေါင်းထုတ်လုပ်မှုနဲ့ ၀န်ဆောင်မှုတန်ဖိုး လေးရက်စာခန့် ရှိတယ်လို့ ကိန်းဂဏန်းတွေက ပြဆိုနေပါတယ်။ ဒီလေးရက်စာခန့်ဆိုတာ ၂၀၁၈ ခုနှစ် ဧပြီလမှ စက်တင်ဘာလအထိ ခြောက်လ အမျိုးသားစီမံကိန်းဥပဒေ (မူကြမ်း) ပါ ကိန်းဂဏန်းတွေအရ တွက်ချက်ထားတာပါ။

လတ်တလော လွှတ်တော်မှာ ဆွေးနွေးနေတဲ့ ခြောက်လစာ အမျိုးသားစီမံကိန်းဥပဒေအရ ကယားပြည်နယ်အတွက် ခြောက်လစာ စုစုပေါင်း ထုတ်လုပ်မှုနဲ့ ၀န်ဆောင်မှုတန်ဖိုး GDP ရည်မှန်းချက်ဟာ ကျပ်သန်းပေါင်း ၈၄၃၀၅ ဒသမ ၂ ထိ ရှိမယ်လို့ ရည်မှန်းထားပါတယ်။

စီမံကိန်းရည်မှန်းချက် ဆိုသည်မှာ သတ်မှတ်ကာလအတွင်း စီးပွားရေးတစ်ရပ်လုံးအတွက်ဖြစ်စေ၊ ကဏ္ဍအလိုက်ဖြစ်စေ၊ တိုင်းဒေသကြီးနှင့် ပြည်နယ်အလိုက်ဖြစ်စေ မည်ရွေ့မည်မျှ ဖွံ့ဖြိုးတိုးတက်စေရမည်ဟု ရည်မှန်းလျာထားချက်များ ဖြစ်သည်။

ဒီအတွက် တစ်လအနေနဲ့ ပြန်လည်တွက်ချက်မယ်ဆိုရင် ကျပ်သန်းပေါင်း ၁၄၀၅၁ နီးပါး ရှိပြီး ရက်သုံးဆယ်နဲ့ တွက်မယ်ဆိုရင် တစ်ရက်ကို ကျပ်သန်းပေါင်း ၄၆၈ သန်းကျော် ရှိပါတယ်။ ဒီအတွက် ဗိုလ်ချုပ်အတ္ထုပ္ပတ္တိရုပ်ရှင်အတွက် ကုန်ကျစရိတ်ဟာ ပြည်နယ်ထုတ်လုပ်မှုနဲ့ ၀န်ဆောင်မှုတန်ဖိုး GDP ရဲ့ ၄ ရက်စာနီးပါး ရှိပါတယ်။

ဗိုလ်ချုပ်ရုပ်ရှင်နဲ့ပတ်သက်လို့ ကျပ် သန်း ၃၀၀၀ ကုန်ကျမယ်လို့ ခန့်မှန်းထားပေမယ့်လည်း သမီးဖြစ်သူ ဒေါ်အောင်ဆန်းစုကြည် တစ်ဖြစ်လဲ နိုင်ငံတော်အတိုင်ပင်ခံက တိုင်းပြည်မှာ စီးပွားရေးမဖွံ့ဖြိုးသေးတာ၊ ပြည်သူတွေ စီးပွားရေးကျပ်တည်းနေတာကြောင့် တတ်နိုင်သမျှ ချွေချွေတာတာ သုံးဖို့ ညွှန်ကြားထားလို့သာ မူလခန့်မှန်း ကုန်ကျစရိတ်ရဲ့ ထက်ဝက်ဖြစ်တဲ့ ကျပ်သန်း ၁၅၀၀ ကျော်သာ သုံးစွဲသွားမှာဖြစ်တယ်လို့ သာသနာရေးနဲ့ ယဉ်ကျေးမှု ပြည်ထောင်စုဝန်ကြီးက ဆိုထားပါတယ်။

အောက်ချင်းသစ္စာ သတင်းအေဂျင်စီ
Read more »

ရန်ကုန်၊ ဇန်န၀ါရီ ၂၅

ပဲခူးတိုင်းဒေသကြီးအစိုးရအဖွဲ့အတွင်း ၀န်ကြီးလစ်လပ်နေသည့် ဌာနနှစ်ခုအတွက် အမျိုးသားဒီမိုကရေစီအဖွဲ့ချုပ် NLD ပါတီမှ တိုင်းလွှတ်တော်အမတ်နှစ်ဦးဖြစ်သည့် ဒေါက်တာစောညိုဝင်းနှင့် ဒေါ်ညွန့်ညွန့်ဌေးတို့အား ဇန်န၀ါရီလ ၂၅ ရက်က အဆိုတင်သွင်းလိုက်သည်။

ယင်းနေ့တွင် ပြုလုပ်သည့် တိုင်းလွှတ်တော် အရေးပေါ်အစည်းအဝေးတွင် တိုင်းဝန်ကြီးချုပ်က အဆိုတင်သွင်းခြင်းဖြစ်ကာ ဒေါက်တာစောညိုဝင်းအား သယံဇာတ၊ သစ်တောနှင့် သဘာဝပတ်ဝန်းကျင်ထိန်းသိမ်းရေး ၀န်ကြီအဖြစ် လည်းကောင်း၊ ဒေါ်ညွန့်ညွန့်ဌေးအား စည်ပင်သာယာရေးနှင့် လူမှုရေးဝန်ကြီးအဖြစ်လည်းကောင်း အဆိုတင်သွင်းလိုက်ခြင်း ဖြစ်သည်။

ယခင် သယံဇာတ၊ သစ်တောနှင့် သဘာဝပတ်ဝန်းကျင်ထိန်းသိမ်းရေး ၀န်ကြီးဌာန ၀န်ကြီး ဦးကျော်မင်းဇံနှင့် စည်ပင်သာယာရေးနှင့် လူမှုရေးဝန်ကြီးဌာန ၀န်ကြီး ဦးမောင်မောင်လွင်တို့မှာ ဇန်န၀ါရီလ ၁၁ ရက်တွင် နုတ်ထွက်ခဲ့ခြင်းဖြစ်ပြီး ၎င်းတို့၏ နုတ်ထွက်မှုမှာ မိမိသဘောဆန္ဒအလျောက် နုတ်ထွက်ခွင့် တင်ခဲ့ခြင်းကြောင့် ဖြစ်ကြောင်း နိုင်ငံတော်သမ္မတရုံးက သတင်းထုတ်ပြန်ထားသည်။

အဆိုတင်သွင်းခံရသည့် ၀န်ကြီးနှစ်ပါးအား အတည်ပြုခန့်အပ်နိုင်ရန်အတွက် နေ့လယ်ပိုင်းတွင် ဆက်လက်ကျင်းပမည့် လွှတ်တော်အစည်းအဝေး၌ ဆက်လက်ဆွေးနွေးသွားမည် ဖြစ်သည်။

အောက်ချင်းသစ္စာ သတင်းအေဂျင်စီ
Read more »

ရန်ကုန်၊ ဇန်န၀ါရီ ၂၄

မြန်မာပြည်ရဲ့ အချမ်းသာဆုံး ပုဂ္ဂိုလ် ၁၀ ဦးစာရင်းကို indapaper.com က ထုတ်ပြန်ခဲ့ရာမှာ ထူးကုမ္ပဏီပိုင်ရှင် ဦးတေဇက အမေရိကန်ဒေါ်လာ ၆ ဒသမ ၈ ဘီလျံနဲ့ ထိပ်ဆုံးက ရပ်တည်လျက်ရှိပါတယ်။

Indapaper က ၂၀၁၇ ခုနှစ် တစ်နှစ်တာကာလအတွင်း သူတို့ရဲ့ ပိုင်ဆိုင်မှုကို အစဉ်လိုက်ဖော်ပြခဲ့ရာမှာ ဒုတိယနေရာမှာတော့ အေးရှားဝေါလ်ကုမ္ပဏီပိုင်ရှင် ဦးထွန်းမြင့်နိုင်က ၅ ဒသမ ၅ ဘီလျံရှိပြီး သူ့ရဲ့နောက်မှာတော့ IGE ကုမ္ပဏီပိုင်ရှင်တွေဖြစ်တဲ့ ဦးနေအောင်နဲ့ ဦးပြည်အောင်က ပိုင်ဆိုင်မှု ၅ ဘီလျံနဲ့ တတိယအချမ်းသာဆုံးအဖြစ် ဖော်ပြထားပါတယ်။

စတုတ္ထနေရာမှာတော့ Max Myanmar ပိုင်ရှင် ဦးဇော်ဇော်က ၅ ဘီလျံနဲ့ ရှိနေပြီး ဧရာရွှေဝါကုမ္ပဏီပိုင်ရှင်တစ်ဖြစ်လဲ စစ်ဗိုလ်ချုပ်ဟောင်း သူရဦးရွှေမန်းရဲ့ သား ဦးအောင်သက်မန်းကတော့ ပိုင်ဆိုင်မှု ၄ ဒသမ ၂ ဘီလျံနဲ့ နံပါတ်ငါးနေရာမှာ ရှိနေပါတယ်။

ခြောက်ဦးမြောက် မြန်မာပြည်ရဲ့ အချမ်းသာဆုံးပုဂ္ဂိုလ်အဖြစ် ဖော်ပြခံရသူကတော့ ပိုင်ဆိုင်မှု ၃ ဒသမ ၇ ဘီလျံရှိတဲ့ ဦးမိုက်ကယ်မိုးမြင့်ဖြစ်ပြီး သူ့နောက် အမှတ် ၇ အဖြစ် ဖော်ပြခံရသူကတော့ ပတ္တမြားနဂါးပိုင်ရှင် ဦးနေ၀င်းထွန်းဖြစ်ကာ ပိုင်ဆိုင်မှုကတော့ အမေရိကန်ဒေါ်လာ ၃ ဘီလျံ ဖြစ်ပါတယ်။

နံပါတ် ၈ အချမ်းသာဆုံးအဖြစ် indapaper.com က ရွေးချယ်ထားသူကတော့ ပိုင်ဆိုင်မှု ၂ ဒသမ ၅ ဘီလျံနဲ့ ယုဇနကုမ္ပဏီပိုင်ရှင် ဦးဌေးမြင့်ဖြစ်ပြီး နံပါတ် ၉ နေရာမှာတော့ ပိုင်ဆိုင်မှု ၂ ဒသမ ၃ ဘီလျံရှိတဲ့ ဇေကမ္ဘာဦးခင်ရွှေ ဖြစ်ပါတယ်။

ပိုင်ဆိုင်မှု ၁ ဒသမ ၂ ဘီလျံရှိတဲ့ ရွှေတောင်အုပ်စုကုမ္ပဏီက ဦးအိုက်ထွန်းဖြစ်တယ်လို့ indapaper က သတ်မှတ်ထားပါတယ်။

အောက်ချင်းသစ္စာ သတင်းအေဂျင်စီ



ကိုးကား http://indapaper.com/top-10-richest-people-in-myanmar-in-2017/10/
Read more »

ရန်ကုန်၊ ဇန်န၀ါရီ ၂၃

ဘရာဇီးနိုင်ငံသား Alexander Machrdo နှင့် ထိုးသတ်မည့် Light Heavyweight ကမ္ဘာ့ချန်ပီယံခါးပတ်လုပွဲတွင် အားလုံးဂုဏ်ယူနိုင်အောင်အတွက် လေ့ကျင့်လျက်ရှိကြောင်း အောင်လအင်ဆန်းအောင်က ဇန်န၀ါရီလ ၂၃ ရက်တွင် ပြောဆိုလိုက်သည်။

ရန်ကုန်မြို့၊ မြန်မာပလာဇာတွင် ပြုလုပ်သည့် သရုပ်ပြပွဲတွင် ပြောဆိုလိုက်ခြင်းဖြစ်ပြီး အဆိုပါ ONE : QUEST FOR GOLD One Championship ချန်ပီယံခါးပတ်လု ထိုးသတ်ပွဲကို ဖေဖော်ဝါရီလ ၂၃ ရက်တွင် သုဝဏ္ဏ မိုးလုံလေလုံ အားကစားကွင်းတွင် ပြုလုပ်သွားမည် ဖြစ်သည်။

အဆိုပါ ပြိုင်ပွဲတွင် မြန်မာ့စပါးအုံဟု လူသိများသည့် အောင်လအင်ဆန်းအပြင် မြန်မာနိုင်ငံမှ ဖိုးသော်လည်း ၀င်ရောက်ထိုးသတ်မည် ဖြစ်ကာ ၎င်းနှင့် ယှဉ်ပြိုင်ထိုးသတ်သူမှာ ကမ္ဘောဒီးယားနိုင်ငံသား Sorsey ဖြစ်သည်။

အောက်ချင်းသစ္စာ သတင်းအေဂျင်စီ


Read more »

ရန်ကုန်မြို့က ဘတ်စ်ကားမှတ်တိုင် ၅၀၀ အဆင်မြှင့်တင်ဖို့ ရန်ကုန် စည်ပင်ကော်မတီနဲ့ FMIDecaux တို့ ဇန်န၀ါရီ ၂၀ ရက်က သဘောတူ လက်မှတ်ရေးထိုးလိုက်ပါပြီ။ ဘတ်စ်ကားမှတ်တိုင်ပေါင်း ၂၀၀၀ ကျော် ရှိတဲ့အနက် ၅၀၀ အတွက်သာ သဘောတူ လက်မှတ်ရေးထိုးတာပါ။

ဘတ်စ်ကားမှတ်တိုင်တွေအတွက် တင်ဒါအောင်မြင်တဲ့ကုမ္ပဏီကတော့ မြန်မာအခြေစိုက် FMI ကုမ္ပဏီနဲ့ နိုင်ငံခြားကုမ္ပဏီဖြစ်တဲ့ JCDecaux တို့ ပူးပေါင်းထားတာဖြစ်ပြီး JCDecaux ကတော့ ကမ္ဘာ့နိုင်ငံပေါင်း ၄၂၈၀ မှာ ဘတ်စ်ကားမှတ်တိုင်တွေ၊ ဘတ်စ်ကား ခရီးစဉ်တွေနဲ့ ပတ်သက်ပြီး သတင်းအချက်အလက် ပေးတဲ့ ဘတ်စ်စင်တာတွေ၊ ခရီးသွားပြည်သူတို့ရဲ့ မိုဘိုင်းဖုန်းတွေအတွက် ဘက်ထရီအားသွင်းနိုင်တဲ့ စင်တာတွေကို ဆောက်လုပ်ပေးနေတဲ့ ကုမ္ပဏီပါ။

ဒီစီမံကိန်းကို ၂၀၁၈ ခုနှစ် ဇွန်လမှာ စတင်မှာဖြစ်ပြီး ၁၈ လအတွင်း ဆောင်ရွက်ရမှာဖြစ်ပြီး အဲဒီ ဘတ်စ်ကားမှတ်တိုင်တွေအတွက် ပြုပြင်ထိန်းသိမ်းမှုကိုတော့ ကုမ္ပဏီကပဲ တာဝန်ယူရမှာပါ။ ဒါ့အပြင် ဘတ်စ်ကားမှတ်တိုင်မှာ ရရှိမယ့် ကြော်ငြာတွေရဲ့ ၃ ရာခိုင်နှုန်းကနေ ၁၅ ရာခိုင်နှုန်းကို ရန်ကုန်စည်ပင်က ရရှိမှာဖြစ်ပါတယ်။

ဘတ်စ်ကားမှတ်တိုင်တွေ အဆင့်မြှင်တင်ခြင်းအတွက် ရင်းနှီးမြှုပ်နှံမှုပမာဏက ကန်ဒေါ်လာ ၁၃ သန်းဖြစ်ပြီး မှတ်တိုင်အရေအတွက် ၅၀၀ ဖြစ်တဲ့အတွက် တစ်ခုစီကို ကန်ဒေါ်လာ ၂၆၀၀၀ ကုန်ကျမှာ ဖြစ်ပါတယ်။ တစ်ဒေါ်လာကို မြန်မာကျပ်ငွေ ၁၃၅၀ နှုန်းထားနဲ့ဆိုရင် မှတ်တိုင်တစ်ခုစီအတွက် ကုန်ကျငွေဟာ မြန်မာကျပ်ငွေ ကျပ်သိန်းပေါင်း ၃၅၀ ကုန်ကျမှာ ဖြစ်ပါတယ်။

ဒီလိုကုန်ကျမှုနဲ့ ပတ်သက်ပြီး အရင်အစိုးရလက်ထက် ပြန်ကြားရေးဝန်ကြီး ဦးရဲထွဋ်က သူ့ရဲ့ လူမှုကွန်ရက် ဖေ့ဘုတ် စာမျက်နှာမှာတော့ အခုလို ရေးထားပါတယ်။

“စင်္ကာပူကုို ကျော်တက်တော့မည်”

စင်္ကာပူရဲ့ ဘတ်စ်ကားစနစ်လည်းအတော်ခေတ်မီပါတယ်။ ကားတွေလည်း ကောင်းပါတယ်။ ကျွန်တော်ဆို မနက်တုိုင်း ဘတ်စ်ကားနဲ့ပဲ ကျောင်းကိုသွားတာပါ။ ဒါပေမယ့် မှတ်တိုင်တွေကတော့ ရိုးရိုး အမိုးအကာနဲ့ ဘတ်စ်ကားခရီးစဉ် ဇယားတွေကလွဲရင် တစ်ခြားခေတ်မီနည်းပညာတွေသုံးထားတာတော့မတွေ့ မိဘူး။ အခု ရန်ကုန်မြို့တွင်းက ဘတ်စ်ကား မှတ်တုိုင် ငါးရာကုို ခေတ်မီ ကားမှတ်တိုင် တွေအဖြစ် အဆင့်မြှင့်တင်ဖို့အတွက် ဒေါ်လာ ၁၃ သန်းသုံးမယ်၊ ပြင်သစ်နည်းပညာလည်းသုံးမယ်တဲ့။ မှတ်တိုင် ငါးရာအတွက်ဒေါ်လာ ၁၃ သန်းဆိုတော့ မှတ်တိုင်တစ်ခုအတွက် ဒေါ်လာ နှစ်သောင်းကျော်လောက်သုံးမယ့်သဘောပဲ။ ဒီလောက်သုံးမှတော့ ရန်ကုန်ဘတ်စ်ကားမှတ်တိုင်တွေက စင်္ကာပူမှတ်တုိုင်တွေကို ကျော်တော့မှာ သေချာသလောက်ပဲ။ ဘာနည်းပညာတွေပါမလဲတော့မသိဘူး။ တစ်ခုတော့ ရှိတယ်။ အဲဒီလို ခေတ်မီမှတ်တုိုင်တွေမှာ ဆီးသီးပန်း၊ အကြော်ပန်း၊ ကွမ်းယာပန်း တွေ မရှိဖို့တော့လိုတယ်။ တော်ကြာအဲဒီလင်ပန်းတွေမှောက်ပြီး မှတ်တိုင်တွေအလှပျက်သွား ရင် သုံးထားသမျှ အလကား ဖြစ်သွားမှာ စိုးရိမ်ရတယ်။ ဘတ်စ်ကားမှတ်တိုင်တွေကျော်တက်ပြီးရင် ကားတွေလည်းကျော်တက် ဖို့ ပဲကျန်တော့တယ်။”

ဒီရေးသားမှုနဲ့ ပတ်သက်ပြီး အဲဒီ Post အောက်မှာလည်း ဝေဖန်မှုတွေ ပြင်းထန်ခဲ့ပါတယ်။ 

ကုမ္ပဏီက မှတ်တိုင်တွေကို ဘယ်လိုပုံစံ တည်ဆောက်မယ်ဆိုတာကို တိကျရှင်းလင်းစွာ မသိရသေးပေမယ့် JCDecaux ကုမ္ပဏီရဲ့ အင်တာနက်စာမျက်နှာမှာ ဖော်ပြထားတဲ့ သူတို့ လုပ်ဆောင်ခဲ့သော ကမ္ဘာ့နိုင်ငံအသီးသီးက ဘတ်စ်ကားမှတ်တိုင်တွေရဲ့ ပုံတွေကို အခုလို လေ့လာလုိ့ ရအောင်အတွက် မျှဝေပေးလိုက်ပါတယ်။ 

Brazil (Photo : http://www.jcdecaux.com)
France (Photo : http://www.jcdecaux.com)
Germany (Photo : http://www.jcdecaux.com)
Portugal (Photo : http://www.jcdecaux.com)
South Korea (Photo : http://www.jcdecaux.com)
USA (Photo : http://www.jcdecaux.com)

အောက်ချင်းသစ္စာ သတင်းအေဂျင်စီ

Read more »

ရန်ကုန်၊ ဇန်န၀ါရီ ၁၉

ရခိုင်ပြည်နယ်အစိုးရအဖွဲ့ စည်ပင်သာယာရေးဝန်ကြီး ဦးမင်းအောင်ကို တာဝန်မှ ရပ်စဲလိုက်ပြီဖြစ်ကြောင်း နိုင်ငံတော်သမ္မတရုံးက ဇန်ဝါရီလ ၁၈ ရက် နေ့စွဲဖြင့် ကြေညာချက် ထုတ်ပြန်လိုက်သည်။

ယင်းသို့ တာဝန်မှ ရပ်စဲခြင်းမှာ အခြေခံဥပဒေပုဒ်မ ၂၆၃၊ ပုဒ်မခွဲ (င) ပုဒ်မခွဲငယ် (၂) တို့အရဖြစ်ပြီး ယင်းပုဒ်မများမှာ “တိုင်းဒေသကြီး သို့မဟုတ် ပြည်နယ်ဝန်ကြီးချုပ် သို့မဟုတ် ၀န်ကြီးတစ်ဦးဦးအပေါ် စွပ်စွဲပြစ်တင်ခြင်း” ခေါင်းစဉ်အောက်တွင် ပါရှိပြီး ပုဒ်မခွဲ (င) ပုဒ်မခွဲငယ် (၂) တွင် “နိုင်ငံတော်သမ္မတသည် တင်ပြချက်ရရှိလျှင် စွပ်စွဲပြစ်တင်ခြင်းခံရသည့် တိုင်းဒေသကြီး သို့မဟုတ် ပြည်နယ်ဝန်ကြီးချုပ် သို့မဟုတ် ၀န်ကြီးအား ရာထူးမှ ရပ်စဲရမည်” ဟု ပါရှိသည်။

ဥပဒေအရ ပေးအပ်ထားသည့် တာဝန်များကို ကျေပွန်အောင် ဆောင်ရွက်ခြင်းမရှိခြင်းကြောင့် နိုင်ငံတော်နှင့် ပြည်သူများ အကျိုးစီးပွားကို ထိခိုက်နစ်နာဆုံးရှုံးမှုများ ရှိနေသည့်အတွက်ဟုဆိုကာ စုံစမ်းစစ်ဆေးရေးအဖွဲ့ ဖွဲ့စည်းပြီးနောက် စွပ်စွဲချက်မှန်ကန်သည့်အတွက် ရာထူးမှ ရပ်စဲလိုက်ခြင်းလည်း ဖြစ်သည်။

ယခုကဲ့သို့ တာဝန်မှ ရပ်စဲခံရခြင်းမှာ ဇန်န၀ါရီလ ၁၆ ရက်က ရခိုင်ပြည်နယ်၊ မြောက်ဦးမြို့တွင် ဖြစ်ပွားခဲ့သည့် ပဋိပက္ခဖြစ်ပွားပြီးချိန်နှင့် တိုက်ဆိုင်လျက်ရှိပြီး ယင်းပဋိပက္ခတွင် အစိုးရဘက်မှ ပစ်ခတ်နှိမ်နင်းမှုကြောင့် ဆန္ဒပြနေသူ ခုနစ်ဦးသေဆုံးကာ ၁၂ ဦး ဒဏ်ရာရရှိခဲ့သည်။

ထို့ပြင် ရခိုင်အမျိုးသားပါတီ ဥက္ကဋ္ဌဟောင်းနှင့် လက်ရှိ ပြည်သူ့လွှတ်တော် ကိုယ်စားလှယ် ဒေါက်တာအေးမောင်ကိုလည်း ၁၈ ရက်က စစ်တွေမြို့ရှိ ၎င်း၏ နေအိမ်တွင် ရဲတပ်ဖွဲ့က ဖမ်းဆီးကာ စစ်တွေမြို့ အကျဉ်းထောင်တွင် ဖမ်းဆီးထားသည်။

ဒေါက်တာအေးမောင်မှာ ဇန်န၀ါရီလ ၁၅ ရက်က ရသေ့တောင်မြို့နယ် တောင်ရင်းတိုင်ရပ်ကွက်၊ စေတီယင်္ဂယကျောင်းတိုက် ဓမ္မာရုံတွင် ရခိုင်နိုင်ငံတော် အချုပ်အခြာအာဏာ ကျဆုံးခြင်း (၂၃၃) နှစ်မြောက် ၀မ်းနည်းဖွယ် အထိမ်းအမှတ် စာပေဟောပြောပွဲတွင် ပြောဆိုခဲ့မှုများနှင့် ဆက်စပ်၍ နိုင်ငံတော် သစ္စာဖောက်ဖျက်မှု ရာဇသတ်ကြီးပုဒ်မ ၁၂၁ (ခ) (ဂ)၊ နိုင်ငံတော် အကြည်ညိုပျက်စေမှု ၅၀၅ (ခ) (ဂ)၊ မတရားအသင်း အက်ဥပဒေပုဒ်မ ၁၇ (၁) (၂) တို့ တရားစွဲဆိုရန် ဇန်န၀ါရီလ ၁၆ ရက်က ပြုလုပ်သည့် ရခိုင်ပြည်နယ် အစိုးရ အစည်းအဝေး ဆုံးဖြတ်ချက်အရ အရေးယူရန် ဆုံးဖြတ်ခဲ့ခြင်း ဖြစ်သည်။

ယင်းနောက် မတရားအသင်း အက်ဥပဒေပုဒ်မ ၁၇ (၁) အမှုဖွင့်အရေးယူကာ နေအိမ်တွင် ဖမ်းဆီးခဲ့ခြင်း ဖြစ်ပြီး ရသေ့တောင် စာပေဟောပြောပွဲတွင် ဟောပြောသူ စာရေးဆရာ ဝေဟင်အောင် (ခ) အောင်ကျော်ဝင်းကိုလည်း ယင်းပုဒ်မဖြင့်ပင် ဖမ်းဆီးထိန်းသိမ်းထားပြီး ဖြစ်သည်။

အောက်ချင်းသစ္စာ သတင်းအေဂျင်စီ
Read more »

ရန်ကုန်၊ ဇန်န၀ါရီ ၁၈

လစ်လပ်နေသည့် ဧရာဝတီတိုင်း ၀န်ကြီးချုပ်နေရာအတွက် တိုင်းလွှတ်တော်ကိုယ်စားလှယ်နှင့် လွှတ်တော်ရေးရာကော်မတီ အတွင်းရေးမှူး ဦးလှမိုးအောင်အား ဇန်န၀ါရီလ ၁၈ ရက်တွင် နိုင်ငံတော်သမ္မတက အမည်စာရင်း တင်သွင်းလိုက်သည်။

ဧရာတိုင်းလွှတ်တော်တွင် ယနေ့ပြုလုပ်သည့် အထူးအရေးပေါ် အစည်းအဝေးတွင် အမည်စာရင်း တင်သွင်းလိုက်ခြင်းဖြစ်ကာ ဦးလှမိုးအောင်မှာ လွှတ်တော် စိုက်ပျိုးမွေးမြူရေး၊ ဆည်မြောင်းနှင့် သယံဇာတရေးကော်မတီ အတွင်းရေးမှူးနှင့် လူမှုရေး၊ ပညာရေး၊ ကျန်းမာရေးနှင့် သဘာဝဘေးအန္တရာယ် ကာကွယ်ရေးကော်မတီ အဖွဲ့ဝင်လည်း ဖြစ်သည်။

အမည်စာရင်းတင်သွင်းမှုကို ဇန်န၀ါရီလ ၁၅ ရက်က ပြုလုပ်ရန် ယခင်က လုပ်ဆောင်ခဲ့သော်လည်း သမ္မတရုံးမှ အမည်စာရင်း မပေးပို့သည့်အတွက် ယနေ့မှသာ အမည်စာရင်း တင်သွင်းခဲ့ခြင်းဖြစ်ကာ ယခင် တိုင်းဝန်ကြီးချုပ် (ဦး) မန်းဂျော်နီမှာမူ ဇန်န၀ါရီလ ၉ က နုတ်ထွက်သွားပြီး ဖြစ်သည်။

ဦလှမိုးအောင်မှာ ၂၀၁၅ ရွေးကောက်ပွဲတွင် ၀င်ရောက်ယှဉ်ပြိုင်ခဲ့စဉ်က မဲအရေအတွက် ၆၂ ရာခိုင်နှုန်းဖြင့် အနိုင်ရရှိခဲ့သူ တစ်ဦး ဖြစ်သည်။

ယခင်က ၀န်ကြီးချုပ် နေရာအတွက် ရေပန်းစားနေသူမှာ တိုင်းဒေသကြီး လူမှုရေးဝန်ကြီးဖြစ်သူ ဒေါက်တာလှမြတ်သွေးဖြစ်ပြီး သူမမှာ ၂၀၁၂ ခုနှစ် ကြားဖြတ်ရွေးကောက်ပွဲကာလကလည်း တိုင်းလွှတ်တော်ကိုယ်စားလှယ်အဖြစ် အရွေးချယ်ခံခဲ့ရဖူးသည်။

အောက်ချင်းသစ္စာ သတင်းအေဂျင်စီ
Read more »

ရခိုင်ပြည်နယ်အရေးကိစ္စအား တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့်လည်း ဆွေးနွေးခဲ့သေးသည်
Photo - တပ်မတော်ကာကွယ်ရေးဦးစီးချုပ်ရုံး
ရန်ကုန်၊ ဇန်န၀ါရီ ၁၈

ပဋိပက္ခများ ဖြစ်ပေါ်နေသည့် ရခိုင်ပြည်နယ်အရေးကိစ္စအပါအ၀င် ဒေသတွင်းနှင့် နိုင်ငံတကာရေးရာများတွင် နှစ်နိုင်ငံ ပူးပေါင်းဆောင်ရွက်ရေးကိစ္စနှင့် ပတ်သက်၍ နိုင်ငံတော်အတိုင်င်ခံ ပုဂ္ဂိုလ် ဒေါ်အောင်ဆန်းစုကြည်က တရုတ်နိုင်ငံခြားရေးဝန်ကြီးဌာန ၀န်ကြီးနှင့် ဇန်န၀ါရီလ ၁၇ ရက်က နေပြည်တော်တွင် ပြုလုပ်သည် အဆင့်မြင့်အစည်းအဝေး၌ တွေ့ဆုံဆွေးနွေးခဲ့သည်။

ယင်းအစည်းအဝေးတွင် တရုတ်ဘက်မှ နိုင်ငံခြားရေးဝန်ကြီးဌာန ဒုဝန်ကြီး မစ္စတာ ခုန်ရွယ်နှင့် တရုတ် ဗဟိုစစ်ကော်မရှင် ဒုတိယညှိနှိုင်းကွပ်ကဲရေးမှူး ဗိုလ်ချုပ်ရှောင်ရွမ်မင်တို့ တက်ရောက်ခဲ့ပြီး ရခိုင်ပြည်နယ် အရေးကိစ္စအပြင် နှစ်နိုင်ငံ နယ်စပ်ဒေသများ တည်ငြိမ်အေးချမ်းရေးနှင့် တရားဥပဒေစိုးမိုးရေးကိစ္စများကိုလည်း ထည့်သွင်းဆွေးနွေးခဲ့သည်။

တရုတ်-မြန်မာ နိုင်ငံ နိုင်ငံခြားရေးဝန်ကြီးဌာနနှင့် ကာကွယ်ရေးဝန်ကြီးဌာနတို့ ဦးဆောင်သည့် (၂+၂) အဆင့်မြင့်ဆွေးနွေးပွဲသို့ အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကျော်တင့်နှင့် နိုင်ငံခြားရေးဝန်ကြီးဌာန အမြဲတမ်းအတွင်းဝန် ဦးမြင့်သူတို့ တက်ရောက်ခဲ့ကာ မြန်မာ့ငြိမ်းချမ်းရေးလုပ်ငန်းစဉ်အတွက် တရုတ်နိုင်ငံဘက်မှ အပြုသဘောဆောင်သော အကူအညီများ ဆက်လက်ပေးအပ်ရေးကိစ္စများကိုလည်း ယင်းအဆင့်မြင့် အစည်းအဝေးတွင် ပြောဆိုခဲ့ကြသေးသည်။

တရုတ်နိုင်ငံခြားရေး ဒုဝန်ကြီးသည် ယင်း ညနေပိုင်းကလည်း မြန်မာ့တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် တွေ့ဆုံခဲ့သေးကာ နှစ်နိုင်ငံ နယ်စပ်ကိစ္စအပြင် ရခိုင်ပြည်နယ်အတွင်း ဖြစ်ပွားခဲ့သည့် အကြမ်းဖက်မှုပြဿနာများအား မြန်မာနိုင်ငံအစိုးရနှင့် တပ်မတော်မှဖြေရှင်းဆောင်ရွက်ခဲ့မှု အပေါ် တရုတ်နိုင်ငံမှထောက်ခံရပ်တည်မှုအခြေအနေများအကြောင်းအား ပြောဆိုဆွေးနွေးခဲ့ကြသေးသည်။

ယင်းသို့ တွေ့ဆုံမှုများအပြီး မြန်မာအစိုးရဘက်မှ ဖမ်းဆီးမိထားသော ARSA အကြမ်းဖက်အဖွဲ့မှ အဖွဲ့ဝင်ပေါင်း ၂၀၀ နီးပါးခန့်၏ အမည်နှင့် ဓာတ်ပုံများကို ဇန်န၀ါရီလ ၁၈ ထုတ် အစိုးရပိုင် သတင်းစာများ၌ ဖော်ပြထားသည်။

ထို့ပြင် ARSA အကြမ်းဖက် အဖွဲ့ဝင် ၁၃၀၀ ကျော်၏ အမည်စာရင်းကိုလည်း ဘင်္ဂလားဒေ့ရ်ှနိုင်ငံသို့ ပေးပို့ထားကြောင်း မြန်မာအစိုးရက ထုတ်ပြန်ထားသေးသည်။

အောက်ချင်းသစ္စာ သတင်းအေဂျင်စီ
Read more »

အရပ်ကတို့ရေ…ကောင်းကြသေးရဲ့လားဗျို့…ဘယ့်နှဲ့ဗျာ…ဗမာထိုင် ၁၀၀၊ ဘိုထိုင် ၂၀၀ တဲ့လေ။

ငါ့ဝမ်းက ဆူ တအူအူနဲ့မို့ စီးလာတဲ့ ကားလေး ခဏရပ်လိုက်တာက ကျုပ်တို့ရဲ့ လွတ်လပ်ရေးဖခင် ဗိုလ်ချုပ်ကို အစွဲပြု မှည့်ခေါ်ထားတဲ့ ဗိုလ်ချုပ်အောင်ဆန်းလမ်း၊ ပန်းဆိုးတန်းတံတားအောက်။ တိတိကျကျ ပြောရရင် အဲဒီ့အောက်က အများသုံးရေအိမ်။

ကပျာကယာနဲ့ ပြေးဝင်သွားတော့ စစချင်း တွေ့ရတာက မ၀င်ခင် ငွေကြိုရှင်းပါတဲ့။ ဒါနဲ့ ကောင်တာမှာ ခပ်ပုံ့ပုံ့ ထိုင်နေတဲ့ အမျိုးသမီးကို မေးတော့ ဖွတ်ကလိင်္ဒါး ၁၀၀ ဆိုတော့ ၂၀၀ ကျပ်တန်ထုတ်၊ ပြန်အမ်းငွေလေး ၁၀၀ ယူပြီး ကသောကဗျောနဲ့ ကျား ဆိုတဲ့ စာတန်းအောက် ပြေးဝင်မိရဲ့။

ပြေးဝင်သွားပေမယ့် ကိုရင်မောင်တို့ ကံမကောင်းချက်။ လေးခန်းလောက်ရှိတဲ့ အိမ်သာလေးမှာ ငါ့ဝမ်းဆူ တအူအူ သမားတွေက အစီအရီနဲ့။ ကိုယ်ကလည်း အခင်းလေး သွားချင်တာ မဟုတ်၊ အခင်းကြီးဆိုတော့ ဖင်လေးရှုံ့၊ ခါးလေးကော့ပြီး အ၀င်ဝကို ပြန်ထွက်ပြီး စောင့်တော်မူရဲ့။ ဒီတင်ပဲ ထူးထူးခြားခြား စာတန်းတစ်ခုနဲ့ အခန်းကို ဘေးချင်းကပ်မှာ မြင်ရရဲ့။ ဒါနဲ့ မျက်လုံးလေး ခပ်စွေစွေထားပြီး ကြည့်လိုက်တော့ “ဘိုထိုင်သီးသန့်”။

ဝမ်းသာအားရ အိနြေ္ဒရရ လှမ်းသွားလိုက်တော့ အိမ်သာဝင်တဲ့ အခန်းကြီးကို သော့ကြီးက ခတ်လို့။ အနားမှာ အလုပ်လုပ်နေတဲ့ အသက် ၃၀ ကျော် လူရွယ်တစ်ဦးက အဲဒီမှာ သုံးရင် ဖွတ်ကလိဒင်္ဂါး ၂၀၀ တဲ့။ အောင်မလေးဗျာ…စိတ်ထဲက ပြောမိရင်း… “ပေးမှာပေါ့ဗျာ…အခုနက ၁၀၀ ပေးပြီး ရော့ နောက်ထပ် ၁၀၀” ဆိုပြီး ဖွတ်ကလိဒင်္ဂါးလေး ပေးလိုက်တော့မှာ ဘိုထိုင်သီးသန့်ဆိုတဲ့ အခန်းကို ပိတ်ထားတဲ့ သော့ခလောက်ကြီးက ဖျောက်ခနဲဆို ပွင့်ပါလေကော။

ဗမာထိုင်မှာထက် ဖွတ်ကလိဒင်္ဂါး နှစ်ဆပေးရတဲ့ အခန်းဆိုလို့ ၀င်ဝင်ချင်း ကြည့်လိုက်တော့ မီးက မလာ၊ မတ်တပ်ရပ်ရင် အပေါ့စွန့်တဲ့ ကြွေခုံက ပလတ်စတစ်အိတ် အမဲတွေ အုပ်လို့။ အဲဒီအချိန်ခဏ လူရွယ်က ကိုယ့်ကို ဖြတ်ကျော်သွားရင်း ဂျောက် ဂျောက်နဲ့ ဖွင့်လိုက်တော့မှ ဘိုထိုင်သီးသန့်ခန်းကြီးက လင်းခနဲ လတ်ခနဲ ဖြစ်ပြီး ရေမော်တာသံတွေပါ ထွက်လာတော့တယ်။

ရေအိမ်ခန်း နှစ်ခန်းရှိတဲ့အနက် တွေ့တန်းအခန်းထဲက ရေအိမ်ပေါ် ဘိုထိုင်ထိုင်လို့ လွယ်ထားရတဲ့ ဒုက္ခကို ဖြေရှင်းရင်း တွေးမိတာက အများသုံးအိမ်သာမှာ ဘိုထိုင်နဲ့ ဗမာထိုင်ကို ဖွတ်ကလိဒင်္ဂါးနဲ့ ခွဲခြားပြီး လုပ်လေသလဲပေါ့။

ကိစ္စက ထိပ်ဝရောက်တာကို ကမန်းကတန်း ဖြေရှင်းအပြီး ရေအိမ်ခန်းက ခပ်သုတ်သုတ် ထွက်လိုက်ရင်း ပြန်မော့ကြည့်မိတာက “ဘိုထိုင်သီးသန့်” ဆိုတဲ့ ဆိုင်းဘုတ်လေ။ 

အများသုံး ရေအိမ်ဆိုတာ လူတိုင်းအတွက် မဟုတ်ပေဘူးလားလို့။ သိုးဆောင်း အဖြူ ဘိုထိုင်တို့၊ ဆောင့်ကြောင့်ထိုင် ဗမာထိုင်တို့ ခွဲခြားထားတာက အဘယ်ပညာရှိများရဲ့ ရွှေဉာဏ်တော် ကွန့်မြူးမှုပါလိမ့်။ ဘဲလူးအဒက် Value Added လုပ်ထားတာမုိ့ ၀န်ဆောင်မှုဆိုတဲ့ Service ကြေး ယူတယ်ဆိုလည်း ဟုတ်တုပ်တုပ်ရယ်။ အပေါ့အလေး သွားပြီး လက်ဆေးစရာ ဘောစင်က နိတ္ထိ။ ဒါပေသိ ဖွတ်ကလိဒင်္ဂါးတော့ ၂၀၀ ထိသွားတယ်။

ဒါကြောင့် မိဘပြည်သူအပေါင်းတို့ရေ…နောက်နောင်များ ငါ့ဝမ်းဆူလာ မအီမသာဖြစ်လို့ အများသုံးရေအိမ်တွေကို သုံးရတော့မယ်ဆိုရင်ဖြင့် ဘိုင်ထိုင်လား၊ ဗမာထိုင်လားဆိုတာ မေးမြန်းပြီးမှ ၀င်တော်မူကြပါကုန်လော့။

ရွှေမျက်လုံး
Read more »

ရန်ကုန်၊ ဇန်န၀ါရီ ၁၆

မြန်မာနိုင်ငံ အင်ဂျင်နီယာအသင်း၏ နာယကဖြစ်သူ ဦးဟန်ဇော်အား ဆောက်လုပ်ရေးဝန်ကြီးအဖြစ် နိုင်ငံတော်သမ္မတ ဦးထင်ကျော်က ဇန်န၀ါရီလ ၁၆ ရက်က ပြုလုပ်သည့် ပြည်ထောင်စုလွှတ်တော် အစည်းအဝေးတွင် အမည်စာရင်း တင်သွင်းလိုက်သည်။

မြို့ပြအင်ဂျင်နီယာတစ်ဦးဖြစ်သူ ဦးဟန်ဇော်မှာ ယခင်က ဆောက်လုပ်ရေးဝန်ကြီးဌာန၊ ပြည်သူ့ဆောက်လုပ်ရေးလုပ်ငန်း၊ ဦးဆောင်ညွှန်ကြားရေးမှူးအဖြစ် နိုင်ငံတော်တာဝန် ထမ်းဆောင်ခဲ့ဖူးကာ မြန်မာနိုင်ငံ အင်ဂျင်နီယာအသင်းဥက္ကဋ္ဌအဖြစ်လည်း တာဝန်ယူခဲ့ဖူးသူ တစ်ဦး ဖြစ်သည်။

ထို့ပြင် လက်ရှိ အမျိုးသားဒီမိုကရေစီအဖွဲ့ချုပ် NLD ပါတီရုံးချုပ်ကို တာဝန်ယူ တည်ဆောက်ပေးခဲ့သူလည်း ဖြစ်ကြောင်း NLD လွှတ်တော်ကိုယ်စားလှယ်များ၏ လူမှုကွန်ရက်ပေါ်တွင် ရေးသားချက်များအရ သိရသည်။

ယခင်က ဆောက်လုပ်ရေးဝန်ကြီးဌာနနှင့် လျှပ်စစ်နှင့် စွမ်းအင်ဝန်ကြီးဌာန နှစ်ခုစလုံးကို ပြည်ထောင်စုဝန်ကြီး ဦးဝင်းခိုင်က တာဝန်ယူခဲ့ခြင်းဖြစ်ကာ ဇန်န၀ါရီလ ၁၅ ရက်တွင် ၀န်ကြီးက လျှပ်စစ်နှင့် စွမ်းအင်ဝန်ကြီးဌာန တစ်ခုတည်းကို ပြောင်းလဲတာဝန်ယူရတော့မည် ဖြစ်သည်။

အောက်ချင်းသစ္စာ သတင်းအေဂျင်စီ
Read more »

၂၀၁၇ ခုနှစ် နှစ်လယ်ပိုင်းလောက်က အာဏာရ အမျိုးသားဒီမိုကရေစီအဖွဲ့ချုပ် NLD ပါတီနဲ့ အတိုက်အခံလို့ မိမိကိုယ် မိမိ သုံးသပ်နေတဲ့ ကြံ့ခိုင်ရေး USDP ပါတီတို့အကြား သဘောတူညီချက် တစ်ခု ရှိခဲ့တယ်လို့ သတင်းတစ်ခု ထွက်လာပါတယ်။ NLD ပါတီ အာဏာရ အစိုးရဖွဲ့အပြီး နှစ်နှစ်တာ ကာလအတွင်း USDP က မည်သို့သော လှုပ်ရှားမှုများ မလုပ်ဆောင်ဘူး ဟူတဲ့ နှစ်ပါတီအကြား သဘောတူညီချက် ထားတယ်ဆိုတဲ့ သတင်းပါ။ အဲဒီအချိန်က NLD အစိုးရ တက်ပြီး တစ်နှစ်ခွဲကျော် ကာလ။ ယင်းသတင်း မှန်၊ မမှန်နဲ့ ပတ်သက်ပြီး အတည်ပြုပေးမယ့်သူက မရှိ။
NLD ပါတီ အာဏာရ အစိုးရဖွဲ့အပြီး နှစ်နှစ်တာ ကာလအတွင်း USDP က မည်သို့သော လှုပ်ရှားမှုများ မလုပ်ဆောင်ဘူး ဟူတဲ့ နှစ်ပါတီအကြား သဘောတူညီချက် ထားတယ်ဆိုတဲ့ သတင်းပါ။ အဲဒီအချိန်က NLD အစိုးရ တက်ပြီး တစ်နှစ်ခွဲကျော် ကာလ။ ယင်းသတင်း မှန်၊ မမှန်နဲ့ ပတ်သက်ပြီး အတည်ပြုပေးမယ့်သူက မရှိ
သို့သော် ယင်းသတင်းကို အထောက်အပံ့ဖြစ်စေနိုင်မယ့် လှုပ်ရှားမှုများကို NLD ပါတီတက်ပြီး နှစ်နှစ်ကျော်ကာလ၊ ၂၀၁၈ ခုနှစ် နှစ်ဆန်းပိုင်းတွင် ပါတီနှစ်ဘက်စလုံးတွင် တွေ့မြင်လာရပြီဟု သုံးသပ်ရမည်။ ယင်းမှာ NLD အစိုးရလက်ထက် ပထမဆုံးကြိမ် တိုင်းအဆင့် ၀န်ကြီးချုပ်နှင့် ၀န်ကြီးများ နုတ်ထွက်မှု၊ USDP ပါတီဘက်မှ သက်တော်ရှည်ခေါင်းဆောင်များ ပါဝင်သည့် ပါတီဗဟိုဦးစီးကော်မတီကို ဖျက်သိမ်းမှုတို့ ဖြစ်သည်။


NLD ၀န်ကြီးများ နုတ်ထွက်မှု


NLD အစိုးရလက်ထက်တွင် တိုင်းအဆင့် ၀န်ကြီးချုပ်နှင့် ၀န်ကြီးများ နုတ်ထွက်မှုကို ဇန်န၀ါရီလ ၉၊ ၁၀၊ ၁၁ ရက် (သုံးရက်ဆက်တိုက်) တွေ့မြင်ခဲ့ရသည်။ ဧရာဝတီတိုင်းဝန်ကြီးချုပ် မန်းဂျော်နီအပါအ၀င် တိုင်းအစိုးရအဖွဲ့ ၀န်ကြီး တစ်ဦး၊ မကွေးတိုင်းနှင့် ပဲခူးတိုင်းတို့မှ ၀န်ကြီးနှစ်ပါးစီ နုတ်ထွက်ခဲ့ခြင်း ဖြစ်သည်။ ၎င်းတို့ရဲ့ နုတ်ထွက်မှုဟာ မိမိသဘောဆန္ဒ အလျောက်ပါဟု နိုင်ငံတော်သမ္မတရုံးက ကြေညာထားသော်လည်း တစ်ဖက်မှာတော့ NLD ပါတီက နုတ်ထွက်ဖို့အတွက် ဖိအားပေးတာကြောင့်ဟု မီဒီယာတွေက ဖော်ထုတ်ထားပါတယ်။

USDP ဗဟို ဦးဆောင်ကော်မတီ ဖျက်သိမ်းမှု


အတိုက်အခံကောင်း ဖြစ်အောင် လုပ်ဆောင်မည်ဟု ကြေညာထားသည့် ကြံ့ခိုင်ရေး USDP ပါတီက ပါတီရဲ့ ဗဟိုဦးဆောင်ကော်မတီကို ဖျက်သိမ်းလိုက်ပြီဖြစ်ကြောင်း ၂၀၁၈ ဇန်န၀ါရီလဆန်းပိုင်းတွင် ပါတီတာဝန်ရှိသူများက မီဒီယာတွေကို ထုတ်ဖော်ပြောဆိုလိုက်ပါတယ်။

ဒီဖျက်သိမ်းမှုကို ၂၀၁၇ ဒီဇင်ဘာမှာ ပြုလုပ်တဲ့ ပါတီအစည်းအဝေးတွင် ပါတီဥက္ကဋ္ဌဟောင်းနဲ့ သမ္မတဟောင်း တစ်ဖြစ်လဲ ပါတီနာယကဖြစ်တဲ့ ဦးသိန်းစိန်ရဲ့ လမ်းညွှန်မှုနဲ့ ဖျက်သိမ်းခဲ့တာဖြစ်ပြီး အဲဒီကော်မတီမှာ ပါတီရဲ့ အမာခံခေါင်းဆောင်တွေဖြစ်တဲ့ ဦးသိန်းစိန်၊ ဦးဌေးဦး၊ ဦးသူရအေးမြင့်၊ ဦးလွန်းသီ၊ ဦးတင်ထွဋ်၊ ဦးစိုးသာ၊ ဦးသောင်း၊ သူရဦးမြင့်အောင်နဲ့ ဦးခင်အောင်မြင့်တို့ ပါဝင်ပါတယ်။


နှစ်နှစ်တာ ကာလအတွင်း ပါတီများ၏ လှုပ်ရှားမှု


NLD ပါတီအနေဖြင့် အစိုးရတာဝန်ကို ယူဆောင်ပြီးနောက်ပိုင်း အစိုးရတစ်ရပ် လုပ်ဆောင်ရမည့် လုပ်ငန်းများပေါ်တွင် အဓိက အာရုံထား လုပ်ဆောင်နေသည်ကိုသာ သိသာထင်ရှားစွာ မြင်တွေ့နေရပြီး ပါတီနှင့် ဆက်စပ်သည့် ကိစ္စများမှာမူ မီဒီယာများတွင် အတွေ့ရနည်းလျက် ရှိသည်။ ပါတီတွင်း ကိစ္စရပ် အတော်များများကို လှုပ်ဆောင်မှုများ ရှိသော်လည်း လူထုနှင့် ထိတွေ့ရမည့်ကိစ္စရပ် နည်းပါးခြင်းကြောင့်ဟု သုံးသပ်မှုများလည်း ရှိသည်။ ယင်းကာလအတွင်း ပါတီတွင်း လုပ်ဆောင်မှုများထက် အစိုးရပိုင်းမှ လုပ်ဆောင်မှုများကိုသာလျှင် လူထုနှင့် မီဒီယာကလည်း အဓိကထား စောင့်ကြည့်ခဲ့ကြသည်။

အစိုးရအဖွဲ့အတွင်း အပြောင်းအလဲတစ်ရပ်အဖြစ် မွန်ပြည်နယ်ဝန်ကြီးချုပ် ဦးမင်းမင်းဦး နုတ်ထွက်ခဲ့မှု ရှိခဲ့ပြီး နုတ်ထွက်ရမည့် အကြောင်းရင်းမှန်ကို အစိုးရအဖွဲ့ကော၊ နုတ်ထွက်ခဲ့သူဘက်ကပါ နှုတ်ဆိတ်နေခဲ့သည်။ ယင်းနောက် သိသာထင်ရှားသည့် အဖြစ်အပျက်မှာ ၂၀၁၈ ခုနှစ် ဇန်န၀ါရီလ ဒုတိယအပတ်တွင် ဖြစ်ပွားခဲ့သည့် တိုင်းအဆင့် ၀န်ကြီးချုပ်နှင့် ၀န်ကြီးများ အစုအပြုံလိုက် နုတ်ထွက်မှု ဖြစ်သည်။

ဇန်န၀ါရီလ ၉၊ ၁၀၊ ၁၁ ရက် (သုံးရက်အတွင်း) ဧရာဝတီတိုင်း ၀န်ကြီးချုပ် (ဦး) မန်းဂျော်နီအပါအ၀င် တိုင်းအစိုးရအဖွဲ့ဝင် ၀န်ကြီးတစ်ဦး၊ မကွေးတိုင်းနှင့် ပဲခူးတိုင်းတွင် ၀န်ကြီး နှစ်ဦးဆီ၊ စုစုပေါင်း ခြောက်ဦး နုတ်ထွက်မှု ဖြစ်သည်။ နုတ်ထွက်သူများမှာ မိမိသဘောဆန္ဒအလျောက် ဖြစ်ကြောင်း နိုင်ငံတော် သမ္မတရုံးက ကြေညာခဲ့သော်လည်း ပါတီမှတစ်ဆင့် ဖိအားပေးခြင်းကြောင့်ဟု မီဒီယာများက ဖော်ထုတ်ခဲ့သည်။

ထို့ပြင် အစိုးရအဖွဲ့ ပြည်ထောင်စုဝန်ကြီးတွေကို အထောက်အပံ့ဖြစ်အောင်အတွက် ရည်ရွယ်သည်ဆိုကာ ပြန်ကြားရေး ဒုဝန်ကြီးတစ်ဦးကိုလည်း ဇန်န၀ါရီလ ၁၅ ရက်က ခန့်အပ်လိုက်သေးသည်။

USDP ပါတီအနေဖြင့် ၂၀၁၆ ခုနှစ်တွင်းက ပြုလုပ်သည့် ပါတီ ဒုတိယအကြိမ် ညီလာခံတွင် ဥက္ကဋ္ဌအဖြစ် ဦးသန်းဋ္ဌေးကို ရွေးချယ်ခဲ့ပြီးနောက် ပါတီဗဟိုဦးဆောင်ကော်မတီကို ဖွဲ့စည်းခဲ့သည်။ သို့သော် ယင်းကော်မတီမှာလည်း ၂၀၁၇ ခုနှစ် ဒီဇင်ဘာတွင် ဖျက်သိမ်းလိုက်ပြီ ဖြစ်သည်။

ပါတီလှုပ်ရှားမှုများအနေဖြင့်လည်း သိသာထင်ရှားသည့် တစ်ခုမှာ ၂၀၁၆ ခုနှစ် စက်တင်ဘာတွင် ဖြစ်ပွားခဲ့သည့် ပုဂံငလျင်ကြောင့် ပုထိုးစေတီများ ပြုပြင်ရန်အတွက် ပါတီဥက္ကဋ္ဌ ဦးသန်းဋ္ဌေး လူလုံးထွက်ပြခဲ့သည့် ကိစ္စတစ်ရပ်သာ ရှိသည်။ ကျန်ကိစ္စရပ်များမှာ ပါတီအောက်ခြေတွင် လုပ်ဆောင်နေသည့် Capacity Building သင်တန်းများ၊ အခြား သင်တန်းများ ပြုလုပ်မှုလောက်သာ ရှိပြီး ယင်းလုပ်ဆောင်မှုများကိုလည်း လူမှုကွန်ရက် Facebook တွင် ရှိသည့် မြို့နယ်အလိုက် ပါတီကွန်ရက်စာမျက်နှာများနှင့် ပါတီဝင် တစ်ဦးချင်းစီ၏ လှုပ်ရှားမှုများက တွေ့မြင်နေရခြင်း ဖြစ်သည်။

USDP ဘက်က ပြောလာတဲ့ အချိန်ကိုက်မှု Timing


မြန်မာသံတော်ဆင့် နေ့စဉ်သတင်းစာက ၁၂.၁.၂၀၁၈ ခုနှစ် သောကြာအထူးထုတ်တွင် အရေးပါသည့် အကြောင်းအရာတစ်ခုကို ဖော်ပြခဲ့သည်။ ယင်းမှာ ဆောင်းပါးရှင် မောင်ရေစက် ရေးသားထားသည့် “လူထု စိတ်ဝင်စားမှု ပြန်လည်မြင့်တက်လာစေရေး ကြံ့ခိုင်ရေးအဘများ ကြိုပြင်ခဲ့သော နိုင်ငံရေးကစားကွက်” ဟူသည့် ဆောင်းပါးဖြစ်သည်။ ယင်းဆောင်းပါးတွင် USDP ပါတီ ဗဟိုနာယကအဖွဲ့ဝင် ဗိုလ်ချုပ် (ငြိမ်း) ဦးခင်အောင်မြင့် ပြောကြားထားသည့် စကားကို ယခုကဲ့သို့ ကိုးကားထားသည်။

“ပြည်ခိုင်ဖြိုး အတိုက်အခံကောင်းဖြစ်ဖို့က ဒေါ်အောင်ဆန်းစုကြည်ရဲ့ စန်းကလည်း ရှိသေးတယ်။ မအီသေးဘူးပေါ့။ Timing တိုင်မင်က ဒါကို စောင့်နေတယ်။ အဲဒါကို မစောင့်ဘဲ သွားတိုက်လို့ရှိရင် ဘာမှ အရာမထင်ဘူး” လို့ ယခင်အစိုးရလက်ထက် အမျုိးသားလွှတ်တော်ဥက္ကဋ္ဌဖြစ်ခဲ့သူ ဦးခင်အောင်မြင့်က ပြောဆိုထားသည်ကို ဖော်ပြထားသည်။ NLD အစိုးရတက်လာပြီး နှစ်နှစ်ကျော်ကာလတွင် USDP ပါတီအကြီးအကဲတစ်ဦးက ပြောဆိုလိုက်သည့် အရေးပါသည့် စကားရပ်ဖြစ်သလို ပါတီအတွင်း လုပ်ဆောင်ရန် ရှိသည်များကို ခေတ္တခဏ ရပ်ဆိုင်းထားသည်ဟု အဓိပ္ပာယ် ကောက်ယူနိုင်သည်။

လာမည့် ကာလ


ပါတီနှစ်ဘက်စလုံးမှ လှုပ်ရှားမှုများ၊ ပါတီအကြီးအကဲများ၏ ပြောဆိုမှုများသည် ၂၀၁၇ ခုနှစ် နှစ်လယ်ပိုင်းက ထွက်ပေါ်ခဲ့သော ပါတီနှစ်ခုအကြား သဘောတူညီမှု ရယူထားသည်ဆိုသည့် သတင်းအရ အချိန်ကာလ တိုက်ဆိုင်သည်ဟု ယူဆပါက ယူဆနိုင်သည့် အနေအထား ဖြစ်နေသည်။ လက်ရှိ ကာလအတွင်း NLD ခေါင်းဆောင် ဒေါ်အောင်ဆန်းစုကြည်၏ စန်းမှာလည်း မအီသေးဘူး၊ တိုင်မင်က ဒါကို စောင့်နေတယ် ဟူသည့် USDP ပါတီအကြီးအကဲ၏ ပြောစကားမှာလည်း ယင်းတိုက်ဆိုင်မှု အခြေအနေကို ပံ့ပိုးပေးလျက် ရှိသည်။ ယင်းသတင်းထွက်ပေါ်ခဲ့မှု၊ သို့တည်းမဟုတ် ကောလာဟလ ထွက်ပေါ်မှုမှာ မည်သို့ပင်ရှိစေ NLD နှင့် USDP ပါတီ နှစ်ဘက်စလုံးတွင် သိသာထင်ရှားသော လှုပ်ရှားမှုများ ဆက်တိုက်ထွက်ပေါ်နေသည်ကို တွေ့မြင်နေရသည်။

ပါတီနှစ်ရပ်အကြား သဘောတူညီမှု ရှိခဲ့သည် ဖြစ်စေ၊ မရှိခဲ့သည်ဖြစ်စေ လာမည့် အစိုးရသက်တမ်း လက်ကျန်ကာလသည် အရေးပါလှပြီး ယင်းကာလအတွင်း လုပ်ဆောင်မှုများသည် ၂၀၂၀ ရွေးကောက်ပွဲအပေါ် ကြီးမားစွာ သက်ရောက်မည် ဖြစ်သည်။ ယင်းကာလအတွင်း ပြောင်းလဲမှုကို ထိတွေ့ခံစားလိုသည့် ပြည်သူများ၏ စိတ်နေစိတ်ထားနှင့် ယုံကြည်မှုမှာ ပါတီနှစ်ရပ်စလုံးအတွက် အဓိက ကျသည်ကိုမူ ပါတီနှစ်ရပ်စလုံးက စိတ်နှလုံးသွင်းထားရမည် ဖြစ်သည်။

အယ်ဒီတာ - အောက်ချင်းသစ္စာ သတင်းအေဂျင်စီ
Read more »

ပြန်ကြားရေးဒုဝန်ကြီးအဖြစ် ခန့်အပ်ခံရသည့် မြန်မာနိုင်ငံ သတင်းမီဒီယာကောင်စီ - MPC ဒုဥက္ကဋ္ဌ ဦးအောင်လှထွန်း
Photo : Aung Hla Tun's Facebook
ရန်ကုန်၊ ဇန်န၀ါရီ ၁၆

မြန်မာနိုင်ငံ သတင်းမီဒီယာကောင်စီ - MPC ဒုဥက္ကဋ္ဌ ဦးအောင်လှထွန်းကို ပြန်ကြားရေးဝန်ကြီးဌာန ဒုတိယ၀န်ကြီးအဖြစ် ခန့်အပ်ကြောင်း နိုင်ငံတော်သမ္မတရုံးက ဇန်န၀ါရီလ ၁၅ ရက်တွင် ထုတ်ပြန်လိုက်သည်။

MPC ဒုဥက္ကဋ္ဌ (၁) ဦးအောင်လှထွန်းသည် ရိုက်တာသတင်းဌာနတွင် နှစ်ပေါင်း ၂၀ ကျော် လုပ်ကိုင်ခဲ့ဖူးပြီး ယခင်က ပြန်ကြားရေးဝန်ကြီးဌာန လက်အောက်တွင်လည်း လုပ်ကိုင်ခဲ့ဖူးသူ တစ်ဦး ဖြစ်သည်။ ထို့ပြင် နိုင်ငံခြားသတင်းထောက်များအသင်းတွင်လည်း ဥက္ကဋ္ဌအဖြစ် လုပ်ကိုင်ခဲ့ဖူးသူ ဖြစ်သည်။

အမိန့်အမှတ် ၆/၂၀၁၈ ဖြင့် ထုတ်ပြန်သည့် သမ္မတရုံး ထုတ်ပြန်ချက်တွင် အခြေခံဥပဒေပုဒ်မ ၂၃၄၊ ပုဒ်မခွဲ (က) (ဃ) တို့အရ ခန့်အပ်ခြင်းဖြစ်ပြီး ပုဒ်မခွဲ (က) တွင် ပြည်ထောင်စုဝန်ကြီးအား အထောက်အကူဖြစ်စေရန် လွှတ်တော်ကိုယ်စားလှယ်ထဲမှ ဖြစ်စေ၊ လွှတ်တော်ကိုယ်စားလှယ် မဟုတ်သူမှ ဖြစ်စေ ဒုဝန်ကြီး ခန့်အပ်နိုင်သည်ဟု ဖော်ပြထားသည်။

ပုဒ်မခွဲ (ဃ) တွင် နိုင်ငံတော်သမ္မတသည် ဒုတိယ၀န်ကြီးများအား ခန့်အပ်တာဝန်ပေးရာတွင် တာဝန်ယူရမည့် ၀န်ကြီးဌာနများကို သတ်မှတ်ပေးရမည်ဟု ပြဋ္ဌာန်းထားသည်။

ယခုခန့်ထားမှုမှာ ၂၀၁၈ ခုနှစ် နှစ်ဆန်းပိုင်းတွင် တိုင်းဒေသကြီးအစိုးရအဖွဲ့များတွင် ၀န်ကြီးများ နုတ်ထွက်မှုများ ဖြစ်ပေါ်လာပြီးနောက် ပြည်ထောင်စုအဆင့်တွင် ဒုဝန်ကြီးတစ်ဦး ထပ်မံ တိုးမြှင့်ခန့်ထားလိုက်ခြင်း ဖြစ်သည်။

အောက်ချင်းသစ္စာ သတင်းအေဂျင်စီ
Read more »

ရန်ကုန်၊ ဇန်န၀ါရီ ၁၅

ဧရာဝတီတိုင်းဒေသကြီး အစိုးရအဖွဲ့တွင် လစ်လပ်သွားသော ၀န်ကြီးချုပ်နေရာအတွက် နာမည်စာရင်း တင်သွင်းမည့် တိုင်းလွှတ်တော် အရေးပေါ်အစည်းအဝေးကို ဇန်န၀ါရီလ ၁၈ ရက်သို့ ရွှေ့ဆိုင်းလိုက်ပြီ ဖြစ်သည်။

အဆိုပါ အစည်းအဝေးကို ယခင်က ဇန်န၀ါရီလ ၁၅ ရက် (ယနေ့) တွင် ပြုလုပ်ရန် ကြေညာထားပြီးနောက် မကျင်းပခင် နံနက်ပိုင်းတွင် ရွှေ့ဆိုင်းလိုက်ခြင်း ဖြစ်သည်။

ဝန်ကြီးချုပ်နေရာအတွက် နိုင်ငံတော်သမ္မတက အမည်စာရင် ပေးပို့ရမည်ဖြစ်ကာ ရွေးချယ်ခံရသူအား လွှတ်တော်ဥက္ကဋ္ဌက ကြေညာပေးရမည်ဖြစ်သည်။

လတ်တလောတွင် ၀န်ကြီးချုပ်နေရာအတွက် ရေပန်းစားနေသူမှာ တိုင်းအစိုးရအဖွဲ့ လူမှုရေးဝန်ကြီး ဒေါက်တာလှမြတ်သွေးဖြစ်သည်။

အမျိုးသားဒီမိုကရေစီအဖွဲ့ချုပ် NLD အစိုးရလက်ထက် ၀န်ကြီးချုပ်အဆင့်ဖြင့် နုတ်ထွက်သွားသူ နှစ်ဦးအထိရှိပြီး ပထမတစ်ဦးမှာ မွန်ပြည်နယ် ၀န်ကြီးချုပ် ဦးမင်းမင်းဦး ဖြစ်သည်။

အောက်ချင်းသစ္စာ သတင်းအေဂျင်စီ
Read more »

မှတ်တိုင်တွင် စည်းကမ်းမဲ့ ရပ်ဆိုင်းနေသည့် YBS မော်တော်ယာဉ်အချို့အာ မြေနီကုန်းမှတ်တိုင်တွင် တွေ့ရစဉ်
ရန်ကုန်၊ ဇန်န၀ါရီ ၁၅

ရန်ကုန်တိုင်းအတွင်း ပြေးဆွဲနေသည့် YBS ယာဉ်များတွင် အသုံးပြုမည့် ကတ်ဖြင့် ငွေပေးချေမှုစနစ်အတွက် လုပ်ပိုင်ခွင့်ရ ကုမ္ပဏီအဖြစ် Excel KC Myanmar ကုမ္ပဏီအား ရွေးချယ်လိုက်ပြီဖြစ်ကြောင်း ဇန်န၀ါရီလ ၁၀ ရက်က ရန်ကုန်တိုင်းဒေသကြီး အစိုးရအဖွဲ့ တင်ဒါစိစစ်ကြီးကြပ်ရေးအဖွဲ့က ကြေညာထားသည်။

ပထမအဆင့် ဆန်ခါတင်ရွေးချယ်ထားသော ကုမ္ပဏီများဖြစ်သည့် AnyPay Payment Services Co.,Ltd, Asia Stamar Transport Intelligent Co.,Ltd နှင့် Excel KC Myanmar တို့အနက်မှ နောက်ဆုံးဆန်ခါတင်ဖြစ် Excel KC Myanmar ကို ရွေးချယ်ခဲ့ခြင်းဖြစ်ကာ တင်ဒါ ရွေးချယ်ခံရပြီး သုံးလအတွင်း လုပ်ငန်းစတင်ရမည် ဖြစ်သည်။

အဆိုပါ တင်ဒါခေါ်ယူမှုကို ၂၀၁၇ ခုနှစ် သြဂုတ်လ ၉ ရက်က စတင်ခဲ့ခြင်းဖြစ်ပြီး တင်ဒါတင်သွင်းခဲ့သည့် အဆိုပြုလွှာ ၂၁ ခုအနက်မှ နောက်ဆုံးအဆင့် ရွေးချယ်ခဲ့ခြင်းလည်း ဖြစ်သည်။

တင်ဒါမအောင်မြင်ခဲ့သည့် AnyPay Payment Services Co.,Ltd မှာ ယခင် BRT လိုင်း စတင်ပြေးဆွဲစဉ်က ကတ်စနစ် ငွေပေးချေမှုကို စတင်အသုံးပြုခဲ့သည့် ကုမ္ပဏီဖြစ်ပြီး လက်ရှိ Yangon Water Bus တွင်လည် ယင်းစနစ်ကို အသုံးပြုလျက် ရှိသည်။

YBS ယာဉ်လိုင်းများအတွက် ကတ်စနစ် ငွေပေးချေမှုလုပ်ငန်း လုပ်ပိုင်ခွင့်ရရှိသည့် Excel KC Myanmar အနေဖြင့် စာချုပ်အတွက် ညှိနှိုင်းမှုလုပ်ဆောင်နေစဉ်ကာလအတွင်း အကြောင်းတစုံတရာကြောင့် အဆင်မပြေခြင်း၊ ပျက်ပြယ်ခြင်းများ ဖြစ်ပေါ်လာပါက ကျန် ဆန်ခါတင်ကုမ္ပဏီနှစ်ခုအနက် တစ်ခုကို ထပ်မံရွေးချယ်သွားမည် ဖြစ်သည်။

YBS အများပိုင် ယာဉ်လိုင်းစနစ်သစ်အား ယခင် မော်တော်ယာဉ် လိုင်းပေါင်းစုံထိန်းသိမ်းရေး ကြီးကြပ်မှုကော်မတီ - မထသ ကို ဖျက်သိမ်းကာ ၂၀၁၇ ခုနှစ် ဇန်န၀ါရီလ ၁၆ တွင် စတင်ပြေးဆွဲခဲ့ခြင်း ဖြစ်သည်။

အောက်ချင်းသစ္စာ သတင်းအေဂျင်စီ
Read more »

ချင်းပြည်နယ်၊ ပလက်ဝမြို့
Photo : indychins.org
ရန်ကုန်၊ ဇန်န၀ါရီ ၁၃

ချင်းပြည်နယ်၊ ပလက်ဝမြို့တွင် တည်ဆောက်မည့် စည်ပင်သာယာရေးအဖွဲ့ပိုင် ဈေးသစ်ဆိုင်ခန်းများကို မြေညီထပ် တစ်ခန်းလျှင် ကျပ်သိန်း ၄၀ နှင့် ပထမထပ်ဆိုင်ခန်းများကို ကျပ်သိန်း ၃၀ ဖြင့် ရောင်းချပေးသွားမည်ဖြစ်ကြောင်း ပလတ်ဝမြို့ ဈေးသစ်တည်ဆောက်ရေး ကြီးကြပ်မှုကော်မတီက ကြေညာထားသည်။

ဇန်န၀ါရီလ ၁၃ ရက်နေ့စွဲဖြင့် ကော်မတီအတွင်းရေးမှူး ဦးထွန်းလင်း လက်မှတ်ရေးထိုးထားသော ယင်းဆိုင်ခန်းသစ် ရောင်းချရန် အမိန့်ကြေညာချက်တွင် မြေညီတွင် ဆိုင်ခန်း ၁၀ ခန်းနှင့် ပထမထပ်တွင် ဆိုင်ခန်း ၄၆ ခန်း ရောင်းချပေးမည်ဖြစ်ကာ ဆိုင်ခန်းများတွင် အရက်သေစာ၊ ယမကာနှင့် မူးယစ်စေတတ်သော ကုန်ပစ္စည်းများ သိုလှောင်ရောင်းချခွင့်ပြုမည် မဟုတ်ပေ။

ရောင်းချပေးမည့် ဆိုင်ခန်းသစ်များကို အရစ်ကျ (၂) ရစ် ပေးသွင်းရမည်ဖြစ်ကာ ပထမအရအဖြစ် ဇန်န၀ါရီလကုန်တွင် ၅၀ ရာခိုင်နှုန်းနှင့် ဒုတိယအရစ်အဖြစ် ကျန် ၅၀ ရာခိုင်နှုန်းကို ဖေဖော်ဝါရီလကုန်တွင် ပေးသွင်းရမည် ဖြစ်သည်။

ပလက်ဝမြို့ မြို့မရပ်ကွက်တွင် တည်ဆောက်လျက်ရှိ စည်ပင်သာယာရေးပိုင် ဈေးသစ်ဆိုင်ခန်းဝယ်ယူထားသူများအနေဖြင့် ပထမအရစ် ပေးသွင်းပြီး ဒုတိယအရစ် ပေးသွင်းချိန်တွင် နောက်ကျခြင်း၊ ငြင်းဆန်ခြင်း၊ ပျက်ကွက်ခြင်းတို့ ဖြစ်ပါက ဆိုင်ခန်းချထားမှုအား သဘောမတူဟု သတ်မှတ်ကာ ပထမပေးသွင်း၏ ၁၀ ရာခိုင်နှုန်းကို အဖွဲ့ပိုင်အဖြစ် သိမ်းယူကာ ကျန်ငွေ ၄၀ ရာခိုင်နှုန်းကိုသာ ပြန်လည် ပေးအပ်သွားမည် ဖြစ်သည်။

ပလက်ဝဈေးသစ်တွင် ဆိုင်ခန်း ၀ယ်ယူလိုသူများအနေဖြင့် လျှောက်လွှာတွင် မိမိ အလိုရှိသည့် ဆိုင်ခန်းအထပ်၊ နေရာနှင့် ရောင်းချမည့် ကုန်ပစ္စည်းများကို ဆိုင်ခန်းလျှောက်ထားလွှာတွင် ထည့်သွင်းဖော်ပြပေးရမည် ဖြစ်ကာ လျှောက်လွှာများကို ဇန်န၀ါရီလ ၁၉ ရက်တွင် စတင်ရောင်းချသွားမည် ဖြစ်သည်။ လျှောက်လွှာပိတ်ရက်ကိုမူ ဖေဖော်ဝါရီလ ၁၉ ရက်နေ့ သတ်မှတ်ထားသည်။

ဆိုင်ခန်းသစ်များအတွက် လျှောက်ထားနိုင်သူများကိုလည်း ကော်မတီက သတ်မှတ်ထားပြီး ယင်းတို့ထဲတွင် ပျံကျဈေးသည်များ (ဈေးပြင်ပတွင် ရောင်းချပြီး ဆိုင်ခန်းမရှိသေးသူများ)၊ ပြန်ကြားရေးပိုင်မြေ ဈေးဆိုင်ခန်းမရှိသေးသည့် ယာယီဈေးသည်များ၊ မူလ ဈေးဆိုင်ခန်း ပိုင်ရှင်များနှင့် ပြင်ပမှ ၀ယ်ယူလိုသူများ ပါဝင်သည်။

ယခုအခါ ရခိုင်ပြည်နယ်နှင့် ချင်းပြည်နယ်အစပ် ပလက်ဝမြို့မှ အိန္ဒိယနိုင်ငံ မီဇိုရမ်ပြည်နယ်အစပ် ဇိုရမ်ပွီး Zorinpui အထိ ၆၈ မိုင် ရှည်လျားသော နှစ်နိုင်ငံ ကုန်သွယ်ရေးကားလမ်းကို စတင်ဖောက်လုပ်နေပြီဖြစ်ကာ နှစ်နိုင်ငံ ထွက်ကုန်များ ဖလှယ်နိုင်ရန်အတွက် ရည်ရွယ်ဖော်လုပ်နေခြင်း ဖြစ်သည်။

အောက်ချင်းသစ္စာ သတင်းအေဂျင်စီ
Read more »

ရန်ကုန်၊ ဇန်န၀ါရီ ၁၂

တိုငးအဆင့် ၀န်ကြီးချုပ်နှင့် ၀န်ကြီးများ နုတ်ထွက်မှုမှာ သုံးရက်အတွင်း ခြောက်ဦးအထိ ရှိလာပြီဖြစ်ပြီး ဧရာဝတီတိုင်း ၀န်ကြီးချုပ် အပါအ၀င် ၀န်ကြီးတစ်ဦး၊ မကွေးတိုင်း ၀န်ကြီးနှစ်ဦးနှင့် ပဲခူးတိုင်း ၀န်ကြီး နှစ်ဦးတို့ ဖြစ်သည်။

၂၀၁၈ ခုနှစ် ဇန်န၀ါရီလ ၉ ရက်က ဧရာဝတီတိုင်း ၀န်ကြီးချုပ် (ဦး) မန်းဂျော်နီနှင့် စိုက်ပျိုးရေး၊ မွေးမြူရေး၊ သယံဇာတနှင့် ပတ်ဝန်းကျင် ထိန်းသိမ်းရေးဝန်ကြီးဌာန ၀န်ကြီး ဦးဘဟိန်း၊ ဇန်န၀ါရီလ ၁၀ ရက်တွင် မကွေးတိုင်း ၀န်ကြီးများဖြစ်ကြသည့် စိုက်ပျိုးမွေးမြူရေးနှင့် ဆည်မြောင်းဝန်ကြီးဌာန ၀န်ကြီး ဦးစိုးမြင့်နှင့် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ၀န်ကြီး ဦးနေမျိုးကျော်တို့ နုတ်ထွက်ခဲ့ခြင်း ဖြစ်သည်။


ပဲခူးတိုင်းဒေသကြီး ၀န်ကြီးများဖြစ်သည့် သယံဇာတ၊ သစ်တောနှင့် သဘာဝပတ်ဝန်းကျင်ထိန်းသိမ်းရေး ၀န်ကြီးဌာန ၀န်ကြီး ဦးကျော်မင်းဇံနှင့် စည်ပင်သာယာရေးနှင့် လူမှုရေးဝန်ကြီးဌာန ၀န်ကြီး ဦးမောင်မောင်လွင်တို့မှာ ဇန်န၀ါရီလ ၁၁ ရက်တွင် နုတ်ထွက်ခဲ့ခြင်းဖြစ်ပြီး ၎င်းတို့အားလုံး၏ နုတ်ထွက်မှုမှာ မိမိသဘောဆန္ဒအလျောက် နုတ်ထွက်ခွင့် တင်ခဲ့ခြင်းကြောင့် ဖြစ်ကြောင်း နိုင်ငံတော်သမ္မတရုံးက သတင်းထုတ်ပြန်ထားသည်။

သို့သော် ပြည်တွင်းအခြေစိုက် ပုဂ္ဂလိက သတင်းစာ၊ ဂျာနယ်နှင့် အခြားသတင်းမီဒီယာများတွင် ယင်းကဲ့သို့ နုတ်ထွက်မှုမှာ အမျိုးသားဒီမိုကရေစီအဖွဲ့ချုပ် NLD ပါတီမှ နုတ်ထွက်စာတင်ရန် ပြောကြားထားမှုဖြစ်ကြောင်း ထုတ်ဖော်ရေးသားထားကြသည်။

လစ်လပ်သွားသည့် ၀န်ကြီးနေရာအတွက် ဖွဲ့စည်းပုံအခြေခံဥပဒေ ပြဋ္ဌာန်းချက်များနှင့်အညီ ဖြည့်စွက်ခန့်ထားရမည်ဖြစ်ကာ ခန့်အပ်ခြင်းခံရသူ၏ ရာထူးသက်တမ်းသည် နိုင်ငံတော်သမ္မတ၏ ကျန်ရှိသည့် ရာထူးသက်တမ်းအတိုင်းသာ ဖြစ်ရမည် ဖြစ်သည်။

အောက်ချင်းသစ္စာ သတင်းအေဂျင်စီ
Read more »

Photo : President Office
ရန်ကုန်၊ ဇန်န၀ါရီ ၁၂

၂၀၁၈-၁၉ ဘဏ္ဍာရေးနှစ်ကို အောက်တိုဘာလ ၁ ရက်မှ စက်တင်ဘာလ ၃၀ ရက်အထိ ပြောင်းလဲပြင်ဆင် သတ်မှတ်မည်ဖြစ်ရာ ဘဏ္ဍာရေးနှစ် မစတင်မီ အကူးအပြောင်းခြောက်လတာအတွင်း ဘက်ဂျက်လိုငွေ ကျပ် ဘီလျံ ၈၀၀ ကျော် ရှိမည်ဖြစ်ကြောင်း ဘဏ္ဍာရေးကော်မရှင် ဒုဥက္ကဋ္ဌ ဦးဟင်နရီဘန်ထီးယူက ကော်မရှင်သို့ တင်ပြထားသည်။

ဇန်န၀ါရီလ ၉ ရက်က နိုင်ငံတော်သမ္မတအိမ်တော်တွင် ပြုလုပ်သည့် ကော်မရှင်အစည်းအဝေးတွင် တင်ပြခဲ့ခြင်းဖြစ်ကာ ၂၀၁၇-၂၀၁၈ ဘဏ္ဍာနှစ်ကုန်ဆုံးမည့် မတ်လ ၃၁ ရက်နေ့ နောက်ပိုင်း ဧပြီလ ၁ ရက်မှ ပြောင်းလဲပြင်ဆင်သတ်မှတ်သည့် ၂၀၁၈-၁၉ ဘဏ္ဍာရေးနှစ် မရောက်မီ စက်တင်ဘာလ ၃၁ ရက်အထိ  ခန့်မှန်းရရှိငွေမှာ ကျပ် ၃၇၆ ဒသမ ၇၄၃ ဘီလီယံရှိပြီး အသုံးစရိတ်မှာ ၁၁၉၅ ဒသမ ၈၂၀ ဘီလီယံဖြစ်သည့်အတွက် ဘက်ဂျက်လိုငွေမှာ ကျပ် ၈၁၉ ဒသမ ၀၇၇ ဘီလီယံ ရှိမည် ဖြစ်သည်။

ယင်းပမာဏမှာ တိုင်းနှင့် ပြည်နယ်များက ဘဏ္ဍရေးနှစ် အကူးအပြောင်း ခြောက်လတာကာလအတွက် တင်ပြလာသည့် ရသုံးမှန်းခြေငွေစာရင်းကို ပြန်လည်စိစစ်ပြီးနောက် ထွက်ပေါ်လာသည့် ငွေပမာဏ ဖြစ်သည်။

စိစစ်ခဲ့သည့် ကဏ္ဍများတွင် ခြောက်လတာအတွင်း အမှန်တကယ် ကုန်ကျနိုင်မည့် လစာနှင့် စရိတ် ချီးမြှင့်ငွေများ၊ ခရီးသွားလာစရိတ်များ၊ စက်သုံးဆီဝယ်ယူမှု၊ ပြင်ဆင်ထိန်းသိမ်းစရိတ် စသည့် သာမန်အသုံးစရိတ်များ ပါဝင်သည်။ ထို့ပြင် ငွေလုံးငွေရင်းစရိတ်ဖြင့် ဆောင်ရွက်ရသော တည်ဆောက်ရေးလုပ်ငန်းသစ်များ၊ ၎င်းနှင့် ဆက်စပ်သည့် ပရိဘောဂ၀ယ်ယူခြင်းနှင့် မော်တော်ယာဉ်အသစ် ၀ယ်ယူခြင်းဆိုင်ရာ လုပ်ငန်းကဏ္ဍများလည်း ပါဝင်သည်။ သို့သော် ငွေလုံးငွေရင်း စရိတ်မှ ပြီးစီးအောင် ဆောက်ရွက်ရမည့် တည်ဆောက်ရေးလုပ်ငန်းများ၊ စက်ပစ္စည်းဝယ်ယူမှုနှင့် အရင်းပေးဆပ်ရန် အချိန်ရောက်ရှိနေသည့် ကြွေးမြီးအသုံးစရိတ်များကိုမူ ခွင့်ပြုထားသည်။

အဆိုပါ ကော်မရှင်အစည်းအဝေးသို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အပါအ၀င် တိုင်းဒေသကြီးနှင့် ပြည်နယ်ဝန်ကြီးချုပ်များ၊ ပြည်ထောင်စုရှေ့နေချုပ်နှင့် ပြည်ထောင်စုစာရင်းစစ်ချုပ်များ တက်ရောက်ခဲ့သည်။

ယင်းလိုငွေပြမှု အခြေအနေနှင့် ပတ်သက်၍ ဘဏ္ဍာရေးကော်မရှင်ဥက္ကဋ္ဌ နိုင်ငံတော်သမ္မတ ဦးထင်ကျော်က အသုံးစရိတ်များ တောင်းခံရာတွင် ပြည်ထောင်စုတွင် တောင်းခံသည့် အသုံးစရိတ်များနှင့် တိုင်းဒေသကြီးနှင့် ပြည်နယ်များတွင် တောင်းခံသည့် အသုံးစရိတ်များ ထပ်မနေစေရန် ပြည်ထောင်စုအဆင့် ဌာန၊ အဖွဲ့အစည်းများနှင့် တိုင်း/ပြည်နယ်အစိုးရများ ပေါင်းစပ်ညှိနှိုင်း ဆောင်ရွက်ရန် လမ်းညွှန်ထားသည်။

အောက်ချင်းသစ္စာ သတင်းအေဂျင်စီ
Read more »

ရန်ကုန်၊ ဇန်န၀ါရီ ၁၁

နိုင်ငံတွင်း အသေးစားနှင့် အလတ်စား စက်မှုလက်မှုလုပ်ငန်းများ - SMEs ဖွံ့ဖြိုးရေးအတွက် ချေးငွေများ ထုတ်ချေးပေးနေရာတွင် ချေးငွေရယူသူများထဲတွင် ချင်း၊ ကယားနှင့် နေပြည်တော်ကောင်စီမှ စီးပွားရေးလုပ်ငန်းရှင်များ မပါဝင်ကြောင်း ဇန်န၀ါရီလ ၁၀ ရက်နေ့စွဲဖြင့် ထုတ်ပြန်သည့် မြန်မာ့စီးပွားရေးဘဏ်၏ သတင်းထုတ်ပြန်ချက်တွင် ပါရှိသည်။

နိုင်ငံ၏ ၉၉ ရာခိုင်နှုန်း ရှိသည့် SME ကဏ္ဍ ဖွံ့ဖြိုးရေးအတွက် ဂျပန် အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ - JICA မှ ရယူထားသည့် တရားဝင်ဖွံ့ဖြိုးမှု အကူအညီချေးငွေ - ODA ကို အသုံးပြု၍ ပထမအဆင့် အနေဖြင့် ချေးငွေစုစုပေါင်း ကျပ်သန်း ၆၁၁၄၆ ဒသမ ၉၈ သန်းကို ပုဂ္ဂလိကဘဏ် ခြောက်ခုမှတစ်ဆင့် ထုတ်ချေးခဲ့ရာတွင်  ယင်းဒေသသုံးခုမှ လုပ်ငန်းရှင်များ မပါဝင်ခဲ့ခြင်း ဖြစ်သည်။

ပုဂ္ဂလိကဘဏ်ခြောက်ခုဖြစ်သည့် အသေးစားနှင့် အလတ်စား စက်မှုလုပ်ငန်းများ ဖွံ့ဖြိုးရေးဘဏ်၊ မြန်မာ့ရှေ့ဆောင်ဘဏ်၊ မြန်မာနိုင်ငံသားများဘဏ်၊ ဧရာဝတီဘဏ်၊ ကမ္ဘောဇဘဏ်နှင့် သမ၀ါယမဘဏ်တို့မှ ယင်းငွေပမာဏကို လုပ်ငန်းရှင်ပေါင်း ၂၉၂ အတွက် ထုတ်ချေးပေးခဲ့ခြင်း ဖြစ်သည်။

နှစ်ဆင့်ချေးငွေစီမံကိန်း ပထမအဆင့်တွင် ထုတ်ချေးသူ အများဆုံးဒေသမှာ ရန်ကုန်တိုင်းဖြစ်ပြီး လုပ်ငန်းရှင် ၁၁၃ ဦးမှ ကျပ်သန်း သုံးသောင်းနီးပါးရှိပြီး အနည်းဆုံးမှာ ကရင်ပြည်နယ်မှ လုပ်ငန်းရှင်တစ်ဦးမှ ချေးယူထားသည့် ကျပ်သန်း ၃၀ ကျော် ဖြစ်သည်။

ယင်းချေးငွေကို ကုန်ထုတ်လုပ်မှုလုပ်ငန်း၊ လုပ်သားအခြေပြုလုပ်ငန်း၊ လက်လီရောင်းဝယ်ရေးလုပ်ငန်း၊ လက်ကားရောင်းဝယ်ရေးလုပ်ငန်းနှင့် ၀န်ဆောင်မှုလုပ်ငန်းများအတွက် ချေးပေးနေခြင်းဖြစ်ကာ အများဆုံး ချေးယူခဲ့သည့် ကဏ္ဍမှ ကုန်ထုတ်လုပ်မှုနှင့် ၀န်ဆေင်မှုလုပ်ငန်းများမှ ဖြစ်ကြောင်း မြန်မာ့စီးပွားရေးဘဏ်က ဖော်ပြထားသော ကိန်းဂဏန်းများအရ သိရသည်။

စီမံကိန်း၏ ဒုတိယအဆင့်အတွက် JICA မှ ချေးငွေ ဂျပန်ယန်း ၁၄၉၄၉ သန်း ရယူရန် အစိုးရက စီစဉ်ဆောင်ရွက်လျက်ရှိပြီး ချေးငွေအား တစ်ဆင့်ပေးအပ်မည့် ပုဂ္ဂလိကဘဏ် Participating Financial Institution - PFIs များကိုလည်း အသစ်ပြန်လည် ရွေးချယ်သွားမည် ဖြစ်သည်။

SME နှစ်ဆင့်ချေးငွေ စီမံကိန်းအတွက် ချေးငွေရယူခြင်းအတွက် သတ်မှတ်ချက်အနေဖြင့် လုပ်ငန်းတစ်ခုသို့ ထုတ်ချေးနိုင်သည့် ငွေပမာဏမှာ အများဆုံး ကျပ်သန်း ၅၀၀ ဖြစ်ပြီး အတိုးနှုန်းမှာ တစ်နှစ်လျှင် ၈.၅ ရာခိုင်နှုန်းဖြစ်ကာ သက်တမ်းမှာ သုံးနှစ်မှ ငါးနှစ်အထိ ဖြစ်သည်။

အောက်ချင်းသစ္စာ သတင်းအေဂျင်စီ
Read more »

မကွေးတိုင်းဒေသကြီးလွှတ်တော်တွင် မေးခွန်းများ ဖြေကြားပေးနေသည့် ၀န်ကြီး ဦးနေမျိုးကျော် (၀ဲဘက်) အား ဇန်န၀ါရီလ ၈ ရက်က တွေ့ရစဉ်
Photo : မကွေးတိုင်းဒေသကြီးလွှတ်တော်
ရန်ကုန်၊ ဇန်န၀ါရီ ၁၁

မကွေးတိုင်းဒေသကြီး ၀န်ကြီးများဖြစ်ကြသည့် စိုက်ပျိုးမွေးမြူရေးနှင့် ဆည်မြောင်းဝန်ကြီးဌာန ၀န်ကြီး ဦးစိုးမြင့်နှင့် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ၀န်ကြီး ဦးနေမျိုးကျော်တို့ကို ၎င်းတို့၏ သဘာဆန္ဒအလျောက် နုတ်ထွက်ခွင့်ပြုလိုက်ပြီဖြစ်ကြောင်း နိုင်ငံတော်သမ္မတရုံးက ဇန်န၀ါရီလ ၁၀ ရက် နေ့စွဲဖြင့် သတင်းထုတ်ပြန်လိုက်သည်။

သမ္မတဦးထင်ကျော် လက်မှတ်ဖြင့် ထုတ်ပြန်လိုက်သည့် ယင်းသတင်းထုတ်ပြန်ချက်တွင် မကွေးတိုင်းဝန်ကြီး နှစ်ဦး ရာထူးမှ နုတ်ထွက်ခြင်းမှာ အခြေခံဥပဒေပုဒ်မ ၂၆၄ (က) ပါ ပြဋ္ဌာန်းချက်အရ ဖြစ်ပြီး ယင်းပြဋ္ဌာန်းချက်တွင် “တိုင်းဒေသကြီး သို့မဟုတ် ပြည်နယ်ဝန်ကြီးချုပ် သို့မဟုတ် ၀န်ကြီးတစ်ဦးဦးသည် ရာထူးသက်တမ်း မကုန်ဆုံးမီ အကြောင်းတစ်ခုခုကြောင့် မိမိသဘောဆန္ဒအလျောက် ရာထူးမှ နုတ်ထွက်လိုလျှင် ထိုသို့ နုတ်ထွက်လိုကြောင်း နိုင်ငံတော်သမ္မတထံ စာဖြင့် တင်ပြပြီး ရာထူးမှ နုတ်ထွက်နိုင်သည်” ဟု ဖော်ပြထားသည်။

နုတ်ထွက်သွားပြီဖြစ်သည့် မကွေးတိုင်းဝန်ကြီး ဦးနေမျိုးကျော်သည် ယခင်က မကွေးတိုင်းဒေသကြီး အမျိုးသားဒီမိုကရေစီအဖွဲ့ချုပ် NLD ပါတီ၏ အတွင်းရေးမှူးဖြစ်ကာ ၂၀၁၈ ခုနှစ် ဇန်န၀ါရီလ ၈ ရက် ပြုလုပ်သည့် မကွေးတိုင်းဒေသကြီးလွှတ်တော်တွင် ၎င်းဝန်ကြီးဌာနနှင့် ဆက်စပ်ည့် ဖြေကြားရမည့် မေးခွန်းများကို တက်ရောက်ဖြေကြားနေဆဲ ဖြစ်သည်။

ဦးနေမျိုးကျော်သည် ဘဏ်ဝန်ထမ်း အမျိုးသမီးတစ်ဦးနှင့် လူမှုရေးဖောက်ပြန်မှုများ ရှိခဲ့တယ်ဆိုကာ ယင်းအမျိုးသမီး၏ ခင်ပွန်းဖြစ်သူက စွပ်စွဲမှုများ ထွက်ပေါ်ခဲ့သေးသည်။ ယင်းစွပ်စွဲချက်မှာ မှန်ကန်မှုမရှိကြောင်းကိုလည်း ၀န်ကြီးနှင့် ဇနီးဖြစ်သူက သတင်းစာရှင်းလင်းပွဲ ပြုလုပ်ကာ တုံပြန်ခဲ့သည်။

၂၀၁၈ ခုနှစ် ဇန်န၀ါရီလအတွင်း ယခုကဲ့သို့ တိုင်းဒေသကြီးအဆင့် ၀န်ကြီးများ နုတ်ထွက်မှုမှာ ဒုတိယအကြိမ်မြောက်ဖြစ်ပြီး ပထမအကြိမ်အဖြစ် ဧရာဝတီတိုင်းဝန်ကြီးချုပ် (ဦး) မန်းဂျော်နီနှင့် ဧရာဝတီတိုင်း စိုက်ပျိုးရေး၊ မွေးမြူရေး၊ သယံဇာတနှင့် ပတ်ဝန်းကျင် ထိန်းသိမ်းရေးဝန်ကြီးဌာန ၀န်ကြီး ဦးဘဟိန်းတို့မှာလည်း ဇန်န၀ါရီလ ၉ ရက်က နုတ်ထွက်သွားကြပြီ ဖြစ်သည်။

လစ်လပ်သွားသည့် ၀န်ကြီးနေရာအတွက် ဖွဲ့စည်းပုံအခြေခံဥပဒေ ပြဋ္ဌာန်းချက်များနှင့်အညီ ဖြည့်စွက်ခန့်ထားရမည်ဖြစ်ကာ ခန့်အပ်ခြင်းခံရသူ၏ ရာထူးသက်တမ်းသည် နိုင်ငံတော်သမ္မတ၏ ကျန်ရှိသည့် ရာထူးသက်တမ်းအတိုင်းသာ ဖြစ်ရမည် ဖြစ်သည်။

အောက်ချင်းသစ္စာ သတင်းအေဂျင်စီ
Read more »

Photo : president-office.gov.mm
ရန်ကုန်၊ ဇန်န၀ါရီ ၁၀

လယ်ယာမြေပိုင်ဆိုင်မှုနှင့် ပတ်သက်၍ အများကျေနပ်လောက်အောင် မဖြေရှင်းနိုင်သရွေ့ နိုင်ငံ၏ တိုးတက်မှုမှာ လုံလောက်ပြီဟု ပြောဆို၍ မရကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဇန်န၀ါရီလ ၉ ရက်တွင် ပြောဆိုလိုက်သည်။

နေပြည်တော်တွင် ပြုလုပ်သည့် အမျိုးသားစီမံကိန်းကော်မရှင် (၁/၂၀၁၈) အစည်းအဝေးတွင် ပြောဆိုလိုက်ခြင်းဖြစ်ပြီး အဆိုပါ အစည်းအဝေးသို့ ကော်မရှင်ဥက္ကဋ္ဌ သမ္မတ ဦးထင်ကျော် အပါအ၀င် ဒုသမ္မတ ဦးဟင်နရီဗန်ထီးယူ၊ ကော်မတီတွင် ပါဝင်သည့် ပြည်ထောင်စုဝန်ကြီးများ၊ ပြည်ထောင်စုရှေ့နေချုပ်၊ ပြည်ထောင်စုစာရင်းစစ်ချုပ်၊ တိုင်းနှင့် ပြည်နယ်ဝန်ကြီးချုပ်များ တက်ရောက်ခဲ့သည်။

“ကျွန်မတို့ နိုင်ငံမှာ ၇၀ ရာခိုင်နှုန်းသော ပြည်သူတွေဟာ ကျေးလက်တောရွာဘက်မှာနေပြီးတော့ စိုက်ပျိုးရေးကို အားကိုးနေတဲ့ ပြည်သူများဖြစ်လို့ လယ်ယာမြေကဏ္ဍကို ပြည့်စုံအောင်၊ အများလက်ခံနိုင်အောင်၊ အများကျေနပ်လောက်အောင် မဖြေရှင်းနိုင်သရွေ့ နိုင်ငံရဲ့ တိုးတက်မှုဟာ လုံလောက်တယ်လို့ ဘယ်လိုမှ ပြောလို့ ရမှာ မဟုတ်ပါဘူး” ဟု နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောသည်။

ထို့ပြင် လယ်ယာစိုက်ပျိုးရေးကဏ္ဍတွင် လုံလောက်သည့် တိုးတက်မှုမရှိခြင်းနှင့် အခြေခံပြဿနာမှာ လယ်ယာမြေပိုင်ဆိုင်မှုဖြစ်ကြောင်း၊ ယင်းကိစ္စနှင့် ပတ်သက်၍ ပြည်သူများထံမှ မကျေနပ်သံများကို ကြားနေရကြောင်းလည်း ထည့်သွင်း ပြောဆိုခဲ့သည်။

နိုင်ငံ၏ စီးပွားရေး ဖွံ့ဖြိုးတိုးတက်မှုအတွက် အရေးကြီးသည့် ကုန်သွယ်မှုလိုငွေပြမှု ပြဿနာနှင့် ဆက်စပ်၍လည်း ယခုကဲ့သို့ ထည့်သွင်း ပြောဆိုခဲ့သေးသည်။

“နောက် ပြည်ပနဲ့ ကုန်သွယ်မှု လိုငွေပါ။ ဒါဟာလည်း အားလုံးနဲ့ ဆိုင်ပါတယ်။ စီးပွားရေးနဲ့ ကူးသန်းရောင်းဝယ်ရေး တစ်ခုတည်းနဲ့ ဆိုင်တာ မဟုတ်ပါဘူး။ စီမံကိန်းနဲ့ ဘဏ္ဍာရေးတစ်ခုတည်းနဲ့ ဆိုင်တာ မဟုတ်ပါဘူး။ ပြည်ပနဲ့ ကုန်သွယ်မှုလိုငွေ မပြဖို့ဆိုရင် တစ်နိုင်ငံလုံးက ပါဝင်ရမယ်။ ကျွန်မတို့ဟာ ဈေးကွက်စီးပွားရေးမှာ လှုပ်ရှားပြီးတော့ အောင်မြင်ဖို့ဆိုရင် ဆန်းသစ်တီထွင်နိုင်တဲ့ အရည်အချင်းတွေ ရှိရပါမယ်။ ကျွန်မ မကြာခဏ ပြောပါတယ်။ ဈေးကွက်ရှာရုံနဲ့ မလုံလောက်ဘူး။ ဈေးကွက်ကို လုပ်ယူရမယ်၊ တီထွင်ယူရမယ်။ ဒီလို ဆန်းစစ်ပြီးတောာ့ တီထွင်နိုင်တဲ့ စိတ်ဓာတ်တွေရှိမှ ကျွန်မတို့ဟာ တိုးတက်နိုင်မယ်” ဟု ဒေါ်အောင်ဆန်းစုကြည်က ဆိုသည်။

အောက်ချင်းသစ္စာ သတင်းအေဂျင်စီ
Read more »

ရန်ကုန်၊ ဇန်န၀ါရီ ၁၀

ဧရာဝတီတိုင်း ၀န်ကြီးချုပ် (ဦး)မန်းဂျော်နီ အပါအ၀င် စိုက်ပျိုးရေး၊ မွေးမြူရေး၊ သယံဇာတနှင့် ပတ်ဝန်းကျင် ထိန်းသိမ်းရေးဝန်ကြီးဌာန ၀န်ကြီး ဦးဘဟိန်းတို့ကို နုတ်ထွက်ခွင့်ပြုကြောင်း သမ္မတရုံးက ဇန်န၀ါရီလ ၉ ရက် ရက်စွဲနဲ့ ထုတ်ပြန်လိုက်ပါပြီ။

သူတို့ နုတ်ထွက်မယ့်ကိစ္စဟာ သတင်းမီဒီယာတွေမှာ လွန်ခဲ့တဲ့ ရက်ပိုင်းအတွင်းက ပျံ့နှံ့နေခဲ့ပြီးနောက် နိုင်ငံတော်သမ္မတရုံးက တရားဝင်ထုတ်ပြန်လိုက်တာဖြစ်ပြီး အခုလို နုတ်ထွက်မှုဟာ ဘာကြောင့်ဆိုတာကိုတော့ အစိုးရဘက်ကနေ တရားဝင်ထုတ်ပြန်တာမျိုးတော့ မရှိသေးပါဘူး။

အခုလို နုတ်ထွက်သွားကြတဲ့ ကိစ္စနဲ့ ပတ်သက်ပြီး ပါတီက ဖိအားပေးလို့၊ လုပ်ဆောင်ရမယ့် အလုပ်တွေမှာ စံမီအောင် မလုပ်နိုင်ကြတော့လို့၊ အမျိုးသားဒီမိုကရေစီအဖွဲ့ချုပ် NLD အနေနဲ့ ပြုပြင်ပြောင်းလဲမှုကို လက်တွေ့ အကောင်အထည်ဖော်နေတာလို့လည်း သုံးသပ်မှုတွေ ရှိနေပါတယ်။ ဒါနဲ့ ပတ်သက်ပြီး နိုင်ငံရေး နယ်ပယ်ကလူတွေကို မေးမြန်းထားတာကို စုစည်း ဖော်ပြလိုက်ပါတယ်။

အရှင်ထာဝရ (၂၀၀၇ ရွှေဝါရောင်အရေးအခင်း ဦးဆောင်သံဃာတော်)

ဒီသတင်းကြောင့် စိတ်မကောင်း ဖြစ်မိတယ်။ ဒီသတင်း မမှန်ပါစေနဲ့လို့ ဆုတောင်းပေမယ့် မပြည့်ခဲ့ဘူး။ နာမည်ပျက်မရှိတဲ့ ဖထီး တိုင်းပြည်အတွက်ရော ပါတီအတွက်ပါ တာဝန်ကျေခဲ့ပါတယ်။ ဘာကြောင့် နုတ်ထွက်ခွင့်ပြုတာလည်းဆိုတာ သိပ်ပြီးတော့ နားမလည်။ တိုင်းပြည်အတွက် အင်းအားလိုအပ်နေတဲ့ အချိန်မှာ လူကောင်းတွေ မရှိတော့မှာ စိတ်ပူမိပါတယ်။ တိုင်းပြည်အပေါ်စေတနာထားပြီး လုပ်ဆောင်နေတဲ့ ဧရောဝတီတိုင်း ၀န်းကြီးချုပ်လို လူတော်ယောက်ကို နုတ်ထွက်ခွင့်ပြုလိုက်တာဟာ တိုင်းပြည် ပြုပြင်ပြောင်းလဲမှုလုပ်နေတဲ့ အခုအချိန်မှာ မဖြစ်သင့်ဘူးလို့ နားလည်ပါတယ်။ စိတ်မကောင်းဘူး ဆိုတာထက် တိုင်းပြည်အတွက် အင်းအားတွေ လျှော့သွားတာကို စိတ်မကောင်းတာ။ ဧရာဝတီတိုင်းအတွက်ကတော့ တကယ်သူရဲကောင်းတစ်ယောက်ပါပဲ။ တိုင်းပြည်အပေါ် စေတနာ အပြည့်နဲ့ သူလုပ်ခဲ့သမျှက ဧရာဝတီတိုင်းအတွင်းမှာ သမိုင်းမှတ်တမ်းတစ်ခု ဖြစ်နေခဲ့ပါင်္ပြီ။ အခုအချိန် သူ့အလုပ်သူသိတယ်၊ သူကျန်းမာရေးသူသိတယ်။ သူ့တာဝန်လက်ခံနိုင်မှု၊ သူအခြေအနေ သူသိတယ်။ ရာထူးနေရာကို မှိန်းပြီး မက်မောမနေတဲ့ ၀န်ကြီးချုပ်မို့ နှမြောမိပါတယ်။ ကျန်တဲ့နေရာတွေက နုတ်ထွက်ကြတဲ့ ၀န်ကြီးတွေအတွက်လည်း စိတ်မကောင်းဘူး။ လူတော်တွေကို ဖေးမကူးညီပြီး လက်တွဲကြဖို့ တိုက်တွန်းချင်ပါတယ်။ တိုင်းပြည်အတွက် အခုအချိန်ဟာ အရေးကြီးပါတယ်။ သူတို့တွေအတွက် များစွာစိတ်မကောင်းဖြစ်ရပါတယ်။

ဒေါက်တာတင့်ဆွေ (၁၉၉၀ ရွေးကောက်ခံကိုယ်စားလှယ်)

လက်ရှိအစိုးရအဖွဲ့ထဲမှာ လူသစ်လဲတာတွေ လူစားထိုးတာတွေရှိနေခြင်းဟာ ပါတီက သူ့တာဝန်ပေးထားသူတွေကို အမြဲမပြတ်စောင့်ကြည့်နေတာကို ပြသတာဖြစ်ပါတယ်။ တာဝန်ကနေ နုတ်ထွက်ရသူတွေအတွက်တော့ ကိုယ်ချင်းစာပါတယ်။ အပြောင်းအလဲတွေမှာ အကြောင်းခံ မတူကြပါ။ ရာဇဝတ်ကြောင်း၊ လူမှုရေးကြောင်းကြောင့်ဆိုတာမျိုးကို ပြောစရာမရှိပါ။ တခြားအကြောင်းဖြစ်တဲ့ လုပ်ငန်းတာဝန်ဆောင်ရွက်တာ စံမပြည့်လို့ဆိုရင် လုပ်သင့်တဲ့ဆုံးဖြတ်ချက်လို့ပဲ မြင်ပါတယ်။
နိုင်ငံအတော်များများမှာ ထင်ရှားတဲ့ခေါင်းဆောင်တွေတောင်မှ ဥပမာ ဆာဝစ်စတန်ချာချီဟာ ကမ္ဘာစစ်မှာ ဗြိတိန်နိုင်ငံအတွက်သာမက မဟာမိတ်အဖွဲ့ကြီးအတွက်ပါ အားထားလောက်တဲ့ ခေါင်းဆောင်မှုပေးနိုင်ခဲ့သူဖြစ်ပေမဲ့ နိုင်ငံတာဝန်ယူတဲ့အခါ အဲဒီလိုအောင်မြင်မှုမရခဲ့ပါ။
ကျွန်တော်တို့ပါတီနဲ့ တခြားအာဏာရဖူးတဲ့ပါတီ မတူတာ အဲဒီအချက်လည်းပါတယ်။ ပါတီစည်းကမ်းကိုသာမက လုပ်ကိုင်နိုင်စွမ်းလည်းကြည့်တယ်။ ပါတီဝင်နံပါတ်ကို ကြည့်တာမဟုတ်။ သစ္စာခံမှုကို ကြည့်တာမဟုတ်။ ၁၉၉ဝ ခုနှစ်က ကိုယ်စားလှယ်တွေ အခုအစိုးရထဲမှာ တာဝန်ပေးခံကြရတော့ တကယ်ကို ဝမ်းသာအယ်လဲဖြစ်ရပါတယ်။ ဒါပေမဲ့ ကျွန်တော် အစကတည်းက ရေးခဲ့တာရှိတယ်။ ကျွန်တော့်လူတွေကို အပြည့်အဝအားပေးနေမယ်။ ပြောစရာတွေ့ရင်လည်း လုပ်ဘော်ကိုင်ဘက်စိတ်နဲ့ သူများတွေ မသိအောင်ပြောပေးနေမယ်လို့ ရေးခဲ့တာပါ။ သူတို့ ဝေဖန်ခံကြရလိမ့်မယ်။ အဲဒီလိုဆိုရင်လည်း ဆက်အားပေးနေမှာပဲ။ သူတို့မှာ ရိုးသားတဲ့ဂုဏ်ရှိလို့ဖြစ်တယ်။ နောင်လည်းပဲ အခုလိုဆောင်ရွက်မှုတွေ ဆက်ရှိနေဦးမယ်ထင်ပါတယ်။ အဲဒါဟာ ရှင်သန်မှုသဘောဖြစ်တယ်။ ပိုကောင်းစေဖို့ ဖြစ်တယ်။ နောက်လူတွေကို ပိုကြိုးစားကြဖို့ နမူနာပြလည်းဖြစ်တယ်။


ဦးဝင်းချို (နိုင်ငံသားအခွင့်အရေးနှင့် ဒီမိုကရေစီရေး လှုပ်ရှားသူ)

တိုင်းဒေသကြီး ၀န်ကြီးချုပ်တွေ၊ ၀န်ကြီး အားလုံးဟာ ပါတီရဲ့ ဦးဆောင်မှုအောက်မှာပဲ ရှိရမယ်။ ပါတီက သွားနေတဲ့ မူဝါဒတွေနဲ့ ဆန့်ကျင်ခွင့် မရှိဘူး။ ကိုယ်ပိုင်သဘောအရ လွတ်လပ်စွာ ဆောင်ရွက်နိုင်ခွင့် မရှိဘူး။ အခြေအနေဟာ ဒီအတိုင်းပဲ ဖြစ်တဲ့ဟာကို နားလည်လက်ခံနိုင်တဲ့သူကိုပဲ နေရာပေးနိုင်မယ်။ လက်ရှိအချိန်မှာတော့ ဗဟိုဦးစီးစနစ်နဲ့ပဲ အုပ်ချုပ်မယ်လို့ ပါတီမူဝါဒမှာလည်း NLD က အဲဒီလိုပဲ ရေးထားခဲ့တာလေ။ အဲဒီအတွက် ပါတီရဲ့ မူဝါဒနဲ့ မကိုက်ညီလို့ ဖြုတ်ခံရတယ်။ ဒါဟာ အရိုးသားဆုံး သုံးသပ်နိုင်တာပါ။ အဲဒီအတွက် နောက်ထပ်သူတွေ၊ အရင်တုန်းက ဖြုတ်ခံရတဲ့သူတွေ၊ အခု အနားယူခိုင်းတဲ့သူတွေ၊ နောက်ထပ် အနားယူရမယ့်သူတွေအားလုံးဟာ ပါတီရဲ့ မူဝါဒနဲ့ မကိုက်ညီရင်၊ တစ်မျိုးပြောရင် ပါတီရဲ့ ဗဟိုဦးစီးအဖွဲ့က ညွှန်ကြားမယ့်သဘောထားမျိုး ရှိပါတယ်။ အခုဟာက NLD က ဗဟိုဦးစီးစနစ်နဲ့ပဲ၊ တစ်သွေး တစ်သံ တစ်မိန့်နဲ့ တစုတစည်းတည်းပဲ ကြီးကြပ်နေတယ်။ အဲဒီအတွက် ဒေါ်စု (ဒေါ်အောင်ဆန်းစုကြည်) က ဒါလိုချင်တယ်လို့ ပြောရင် အဲဒီအတိုင်းပဲ ဗဟိုဦးစီးအဖွဲ့က ပြောသလား၊ မပြောသလားဆိုတာတော့ မသိဘူး။ ဆိုလိုတာက ဗဟိုဦးစီးအဖွဲ့ကနေပြီး တိုင်းဒေသကြီးအစိုးရအဖွဲ့တွေနဲ့ ပြည်ထောင်စုအစိုးရအဖွဲ့ကို ညွှန်ကြားတယ်။ အဲဒီအတိုင်း လုပ်ဆောင်နေကြတယ်။ ဒါ ကျွန်တော် စဉ်းစားလို့ ရသမျှ အကြမ်းဖျဉ်းပဲ။

ဦးနေမင်းကျော် (အထွေထွေအတွင်းရေးမှူး၊ အမျိုးသားဒီမိုကရေစီအင်အားစုပါတီ NDF)

 NLD အစိုးရအနေဖြင့် သူတို့ရဲ့ အားနည်းချက်၊လိုအပ်ချက်တွေကို ကုစားဖို့ စလုပ်နေပြီလို့ သုံးသပ် လို့ရပါတယ်။ နောက်ထပ်လည်း အပြောင်းအလဲထပ်လုပ်မယ်လို့ ကြားတယ်။ အစကတည်းက တိုင်းပြည်တည်ဆောက်ရေးအတွက် အားကောင်းတဲ့အစိုးရ ဖြစ်အောင် ပြင်ဆင်မထားတဲ့ အကျိုးသက်ရောက်မှာတွေလို့ မြင်ပါတယ်။ တိုင်းပြည်နဲ့ပြည်သူတွေကိုတော့ အခက်အခဲ မဖြစ်အောင် စီမံခန့် ခွဲနိုင်တဲ့ အစိုးရအဖွဲ့ဖြစ်အောင် လုပ်စေချင်ပါတယ်။

(ထပ်မံ မေးမြန်းထားမှုများကိုလည်း ဆက်လက်ဖော်ပြသွားပါမည်။)

အောက်ချင်းသစ္စာ သတင်းအေဂျင်စီ
Read more »

ဧရာဝတီတိုင်း ၀န်ကြီးချုပ် (ဦး)မန်းဂျော်နီ
ရန်ကုန်၊ ဇန်န၀ါရီ ၁၀

အမျိုးသားဒီမိုကရေစီအဖွဲ့ချုပ် NLD အစိုးရလက်ထက်အတွင်း ဧရာဝတီတိုင်း ၀န်ကြီးချုပ် (ဦး)မန်းဂျော်နီနှင့် ဧရာဝတီတိုင်း စိုက်ပျိုးရေး၊ မွေးမြူရေး၊ သယံဇာတနှင့် ပတ်ဝန်းကျင် ထိန်းသိမ်းရေးဝန်ကြီးဌာန ၀န်ကြီး ဦးဘဟိန်းတို့ကို ၎င်းတို့၏ သဘာဆန္ဒအလျောက် နုတ်ထွက်ခွင့်ပြုလိုက်ပြီဖြစ်ကြောင်း နိုင်ငံတော်သမ္မတရုံးက ဇန်န၀ါရီလ ၉ ရက် နေ့စွဲဖြင့် သတင်းထုတ်ပြန်ထားသည်။

သမ္မတဦးထင်ကျော် လက်မှတ်ဖြင့် ထုတ်ပြန်လိုက်သည့် ယင်းသတင်းထုတ်ပြန်ချက်တွင် ဧရာတိုင်းဝန်ကြီးချုပ်နှင့် ၀န်ကြီးတို့ ရာထူးမှ နုတ်ထွက်ခြင်းမှာ အခြေခံဥပဒေပုဒ်မ ၂၆၄ (က) ပါ ပြဋ္ဌာန်းချက်အရ ဖြစ်ပြီး ယင်းပြဋ္ဌာန်းချက်တွင် “တိုင်းဒေသကြီး သို့မဟုတ် ပြည်နယ်ဝန်ကြီးချုပ် သို့မဟုတ် ၀န်ကြီးတစ်ဦးဦးသည် ရာထူးသက်တမ်း မကုန်ဆုံးမီ အကြောင်းတစ်ခုခုကြောင့် မိမိသဘောဆန္ဒအလျောက် ရာထူးမှ နုတ်ထွက်လိုလျှင် ထိုသို့ နုတ်ထွက်လိုကြောင်း နိုင်ငံတော်သမ္မတထံ စာဖြင့် တင်ပြပြီး ရာထူးမှ နုတ်ထွက်နိုင်သည်” ဟု ဖော်ပြထားသည်။

(ဦး) မန်းဂျော်နီကို ၁၉၄၂ ခုနှစ် ဇန်န၀ါရီလ ၃၀ ရက်နေ့က မွေးဖွားခဲ့ခြင်းဖြစ်ပြီး ပညာရေးဝန်ထမ်းအဖြစ် လက်ထောက်မြို့နယ် ပညာရေးမှူးအဖြစ် တာဝန်ထမ်းဆောင်ခဲ့သည်။ ၁၉၈၉ ခုနှစ်တွင် အမျိုးသားဒီမိုကရေစီအဖွဲ့ချုပ် NLD ပါတီသို့ ၀င်ရောက်ခဲ့ပြီး ပါတီမှ နုတ်ထွက်ရန် စစ်အစိုးရက ဖိအားပေးမှုကို ငြင်းဆန်ခဲ့သည့်အတွက် အကြိမ်ကြိမ် ဖမ်းဆီးထောင်ချခြင်း ခံခဲ့ရဖူးသည်။

၁၉၉၀ ခုနှစ် ရွေးကောက်ပွဲတွင် ဧရာဝတီတိုင်း၊ ကျုံပျော်မြို့နယ်၊ အမှတ် (၁) မဲဆန္ဒနယ်မြေ ပြည်သူ့လွှတ်တော် ကိုယ်စားလှယ်အဖြစ် ရွေးကောက်ခြင်း ခံခဲ့ရဖူးသည်။ ၂၀၁၂ ကြားဖြတ် ရွေးကောက်ပွဲတွင် မြောင်းမြ ပြည်သူ့လွှတ်တော် ကိုယ်စားလှယ်၊ ၂၀၁၅ တွင် ကျုံပျော်၊ တိုင်းဒေသကြီး အမှတ် (၂) ကိုယ်စားလှယ်အဖြစ် ရွေးကောက်တင်မြှောက်ခံရကာ တိုင်းဝန်ကြီးချုပ် ဖြစ်လာသူ ဖြစ်သည်။

စိုက်ပျိုးရေး၊ မွေးမြူရေး၊ သယံဇာတနှင့် ပတ်ဝန်းကျင် ထိန်းသိမ်းရေးဝန်ကြီးဌာန ၀န်ကြီး ဦးဘဟိန်းမှာ ဇန်န၀ါရီလ ၂ ရက်နေ့ကတည်းက နုတ်ထွက်စာတင်ခဲ့ခြင်းဖြစ်ပြီး ယင်းသို့ နုတ်ထွက်စာရန်တင်ရန် ပါတီမှ ညွှန်ကြားထားခြင်းဖြစ်ကြောင်း ဇန်န၀ါရီလ ၈ ရက်ထုတ် သံတော်ဆင့် နေ့စဉ်သတင်းစာတွင် ပါတီတာဝန်ရှိသူတစ်ဦးအား ကိုးကား၍ ဖော်ပြထားသည်။

လစ်လပ်သွားသည့် ၀န်ကြီးချုပ်နှင့် ၀န်ကြီးနေရာအတွက် ဖွဲ့စည်းပုံအခြေခံဥပဒေ ပြဋ္ဌာန်းချက်များနှင့်အညီ ဖြည့်စွက်ခန့်ထားရမည်ဖြစ်ကာ ခန့်အပ်ခြင်းခံရသူ၏ ရာထူးသက်တမ်းသည် နိုင်ငံတော်သမ္မတ၏ ကျန်ရှိသည့် ရာထူးသက်တမ်းအတိုင်းသာ ဖြစ်ရမည် ဖြစ်သည်။

လတ်တလောတွင် လစ်လပ်နေသည့် ဧရာတိုင်း ၀န်ကြီးချုပ်ရာထူးအတွက် အစားထိုးခန့်အပ်ဖွယ်ရှိသူဟု တစ်ပြေးနေသူမှာ ဧရာတိုင်း လူမှုရေးဝန်ကြီး ဒေါက်တာလှမြတ်သွေးဖြစ်ကာ သူမဟာ တိုင်းအစိုးရအဖွဲ့အတွင်း တစ်ဦးတည်းသော အမျိုးသမီးဝန်ကြီးဖြစ်သည်။

လတ်တလောတွင် ၀န်ကြီအဖြစ်မှ နုတ်ထွက်ရန်အတွက် စာတင်ထားသူများလည်း ရှိကာ မကွေးတိုင်းဒေသကြီး အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ၀န်ကြီး ဦးနေမျိုးကျော်လည်း ၀န်ကြီးရာထူးမှသာမက လွှတ်တော်ကိုယ်စားလှယ်နှင့် ပါတီဝင်အဖြစ်မှပါ နုတ်ထွက်ခွင့်ပြုရန်အတွက် ဇန်န၀ါရီလ ၅ ရက်နေ့က စာတင်ထားသည်။ ထို့ပြင် ပဲခူးတိုင်းမှ အစိုးရအဖွဲ့ဝင် ၀န်ကြီးနှစ်ဦးကိုလည်း နုတ်ထွက်စာတင်ရန်အတွက် ပါတီက ညွှန်ကြာထားသေးသည်။

အောက်ချင်းသစ္စာ သတင်းအေဂျင်စီ
Read more »

Photo from Kyaw Soe Oo's facebook

သူ့နာမည်က ကျော်စိုးဦး။ ရခိုင်ပြည်နယ် အခြေစိုက် သတင်းထောက်တစ်ဦး။ Development Media Group က သတင်းထောက်။ သူ့ကို အခု လူသိများတဲ့နာမည်က မိုးအောင် (ရိုက်တာသတင်းထောက်)။

သူ့ကို သိခဲ့တာက စာနယ်ဇင်းလောက ဖွံ့ဖြိုးရေးအတွက် လုပ်နေတဲ့ ရန်ကုန်အခြေစိုက် NGO တစ်ခုကနေ ပေးတဲ့ သင်တန်းတစ်ခုမှာ။ သူက သင်တန်းသား၊ ကျွန်တော်က သင်တန်းဆရာ။ သင်တန်းမှာ အဓိက သင်တာက စီးပွားရေးကဏ္ဍ။ သင်တန်းမှာ တက်တက်ကြွကြွနဲ့ ပါဝင်ဆွေးနွေးတတ်သလို လူထု သိသင့်တဲ့ သတင်းတွေကို အတတ်နိုင်ဆုံး ရှာဖွေဖော်ထုတ် တင်ပြနေသူ။ အဲဒီကာလက သင်တန်းဆရာနဲ့ သင်တန်းသားအဖြစ်။

နောက်တော့ စစ်တွေအပါအ၀င် ရခိုင်ပြည်နယ်က သတင်းသမားတွေအတွက် Mentoring လုပ်ပေးဖို့ အလုပ်ကနေ အခွင့်ကြုံလာတော့ သူ့ကို စစ်တွေမြို့မှာ ပြန်တွေ့ရပြန်တယ်။ Mentoring မလုပ်ခင် ရခိုင်ပြည်နယ်က လူထုတွေအတွက် ရေးကို ရေးသင့်တဲ့ သတင်းတွေကို ရေးချင်တဲ့အကြောင်းနဲ့ သူ ရေးဖို့ ရွေးချယ်ထားတဲ့ သတင်းအကြောင်းအရာတွေကို ဆွေးနွေးဖြစ်ခဲ့တယ်။ အဲဒီအထိတော့ သူ့ကို တက်ကြွတဲ့ သတင်းထောက်အဖြစ်ပဲ မိမိဘာသာ သတ်မှတ်ခဲ့မိတယ်။

အဲဒီနောက်တော့ စစ်တွေမြို့ပေါ်က လူမျိုးရေးပဋိပက္ခ ဖြစ်ခဲ့တဲ့ အကြောင်းအရာတွေ၊ အနေအထားတွေကို မြို့ပတ်ပြီး လိုက်ပြတဲ့အချိန်မှာတော့ စကားတွေ ပြောနေရင်းက သူ့အကြောင်းကို ကောင်းကောင်း သဘောပေါက်လာတော့တယ်။ ကိုကျော်စိုးဦးဟာ သတင်းထောက် တစ်ယောက်ပီပီ သူ့ပတ်ဝန်းကျင်၊ သူ့ဒေသက အခြေအနေတွေ၊ လူထုရဲ့ အခြေအနေတွေကို ကောင်းကောင်း နားလည်သူ တစ်ယောက်ဆိုတာ သိမြင်လာရတယ်။

စစ်တွေမြို့ပေါ်က နေ့ခင်းကြောင်တောင် အရက်မူးနေတဲ့ လူငယ်တွေကို နှမြောကြောင်း၊ လူမျိုးရေး ပဋိပက္ခကြောင့် ပြည်နယ်ရဲ့ စီးပွားရေး အခြေအနေကို ထိခိုက်ရုံမက လူမှုဘ၀တွေကိုပါ ထိခိုက်နေကြောင်းကို စစ်တွေမြို့ထဲ လှည့်လည်ပြရင်း သူ ဇယ်ဆက်သလို ပြောပြလာခဲ့ပါတယ်။

သတင်းသမားပီပီ လူမျိုးရေးပဋိပက္ခမဖြစ်အောင် နေထိုင်မှု ကန့်သတ်ထားတဲ့ နယ်မြေတွေကို လိုက်ပြတဲ့အပြင် မှတ်မှတ်ရရ စစ်တွေတက္ကသိုလ်ရှေ့ကို ရောက်တော့ သူ ပြောခဲ့တဲ့စကားက ကျွန်တော့်အတွက် အခုအချိန်အထိ အမှတ်ရစရာ ဖြစ်ခဲ့ပါတယ်။
၁၀ တန်းအထိ ကျောင်းတက်လာပြီး တက္ကသိုလ် တက်ရမယ့်အချိန်ကျတော့မှ လုံခြုံရေးကို ထည့်တွက်လို့ တက္ကသိုလ် တက်ခွင့်မရတဲ့သူတွေကြားမှာ အမုန်းတရားက ပိုကြီးလာတော့တာပေါ့...
ဒီကျောင်းမှာ ဒေသခံ တိုင်းရင်းသားတွေအပြင် ဘာသာခြား တိုင်းရင်းသားတွေကော ရှိသလားဆိုတော့ သူက မရှိသလောက်ကို နည်းပါတယ်တဲ့။ ဘာသာခြားတွေ တက်ခွင့်ရှိပေမယ့်လည်း လုံခြုံရေးကို အကြောင်းပြုလို့ တက်ခွင့်မရတဲ့သူတွေလည်း တခြား ဘာသာခြားတွေကြားထဲမှာ ရှိပါတယ်တဲ့။ ဒီအထိ စိတ်ရှည်လက်ရှည် ရှင်းပြပြီးနောက် သူ နောက်ဆုံး ပြောလိုက်တဲ့ စကားက ကျွန်တော့်အတွက် အခုအချိန်အထိ စိတ်ထဲ စွဲကျန်ခဲ့ပါတယ်။ အဲဒါက “၁၀ တန်းအထိ ကျောင်းတက်လာပြီး တက္ကသိုလ် တက်ရမယ့်အချိန်ကျတော့မှ လုံခြုံရေးကို ထည့်တွက်လို့ တက္ကသိုလ် တက်ခွင့်မရတဲ့သူတွေကြားမှာ အမုန်းတရားက ပိုကြီးလာတော့တာပေါ့။ ဒါကြောင့်လည်း ဒီကနေ တခြားပြည်နယ်၊ တိုင်းတွေကို ကူးကြတဲ့ သူတွေ ရှိလာတာပေါ့” တဲ့။

ရခိုင်တိုင်းရင်းသား သတင်းသမား တစ်ဦးဆီကနေ ဒီလို စကားကြားရတာဟာ အံ့သြမိတာ အမှန်ပါပဲ။

လတ်တလော ဖြစ်ပျက်နေတဲ့ ပြဿနာတွေကိုတင်မက နောက်ဆက်တွဲ ပြဿနာတွေကို ဖြစ်ပေါ်စေတဲ့ အရင်းခံ အကြောင်းရင်းတွေထဲက ပညာရေးနဲ့ ပတ်သက်တာကိုပါ ထည့်တွက်ပြီး ပြောပြလိမ့်မယ်လို့ တွက်ဆမထားမိခင် ဒီစကားကို ကြားတဲ့အတွက် သူဟာ သူ့ဒေသက ဖြစ်ပျက်နေတာတွေကို သတင်းထောက်ပီပီ ခွဲခြားမြင်တက်ပါလားဆိုတာကို နားလည်ခဲ့မိတယ်။

ရခိုင်လူမျိုး ဗုဒ္ဓဘာသာဝင် ကိုကျော်စိုးဦးဟာ ရခိုင်ပြည်နယ်ရဲ့ မြို့တော်ဖြစ်တဲ့ စစ်တွေမြို့မှာ ကြီးပြင်းခဲ့သူ တစ်ဦး ဖြစ်ပြီး သတင်းထောက် အလုပ်ကို Rakhine Development News နှင့် Root investigative Agency တို့မှာ လုပ်ကိုင်ခဲ့ဖူးပါတယ်။

ဒေသတွင်း လူမျိုးရေးပဋိပက္ခတွေ၊ တင်းမာမှုတွေအကြား ကြားမညှပ်အောင်နေရင်းကပင်လျှင် အဲဒီအဖြစ် အပျက်တွေက သူ့ကို သတင်းစာဆရာတစ်ယောက်အဖြစ် ဖြစ်တည်စေခဲ့တာပါ။ 
Photo : Reuters
ဒေသတွင်းက စီးပွားရေးကိစ္စကိုသာ နားလည်သိမြင်ထားရုံမက ပဋိပက္ခဖြစ်ရတဲ့ လူမှုရေးပြဿနာတွေကိုပါ သိမြင်ထားသူပါ။ ဒါကြောင့်မို့လည်း ဒေသတွင်း အဖြစ်အပျက်တွေကို သတင်းအဖြစ်၊ ဆောင်းပါးအဖြစ် ကျစ်ကျစ်လစ်လစ် ရေးသားဖော်ထုတ်နိုင်ခဲ့တဲ့အတွက် ရန်ကုန် သတင်းစာပညာသင်ကျောင်းက ပေးအပ်တဲ့ သတင်းဆောင်းပါးဆုတွေကိုလည်း ဆွတ်ခူးနိုင်ခဲ့သူပါ။

ဒါပေမဲ့လည်း အစိုးရက လျှို့ဝှက်အက်ဥပဒေနဲ့ ဖမ်းဆီးခံရတဲ့အချိန် သူ့ကို စာနယ်ဇင်းကျင့်ဝတ်နဲ့ မညီ ရာဇ၀တ်သားလိုပုံစံမျိုးနဲ့ အစိုးရပိုင် သတင်းစာတွေက ဖော်ပြခဲ့ကြတယ်။

သူနဲ့ ပတ်သက်လို့ ခင်မင်သူတွေ၊ လုပ်ဖော်ကိုင်ဘက်တွေက နှမြောတသကြသလို သူ့ဘ၀၊ သူ့ဒဿနနဲ့ ပတ်သက်လို့ လူမှုကွန်ရက်ပေါ်မှာ ကဗျာတွေ ရေးကြသူလည်း ရှိပါတယ်။

ကိုထွီး (ခ) Tin O Htwee ဆိုသူ ရေးထားတဲ့ ကဗျာဆိုရင် ခေါင်းစဉ်က ကျော်စိုးဦး။

မင်းဟာ ကဗျာဆရာ

မင်းဟာ ကဗျာ။

မင်းဟာ စာရေးဆရာ

မင်းဟာ စာပေအနုပညာ။

မင်းသွေးထဲမှာ စီးဆင်းနေတာ စာပေ၊ အနုပညာရဲ့ အမြတ်ဆုံး သစ္စာတရား...

သိစိတ်ရော မသိစိတ်ပါ မုဒိန်းကျင့်ခံထားရတဲ့ ဒေသန္တရ ပညတ်တွေ နာနိုအက်တမ်လောက်တောင်မပါဘူး။

ဥာဏ်ကွန့်မြူးခြင်းကို သင်းကွပ်ထားကြတဲ့ လက်တွေကြားက မင်းလူလားမြောက်ခဲ့တာ ငါအံ့သြတယ်။

မင်းဟာ နယ်သာလန်မှာ၊ သြစတြီးယားမှာ၊ ရုရှားမှာ မွေးခဲ့ရမယ်လို့ ငါ သိမ်ငယ်သိမ်ဖျင်းတွေးခဲ့ဖူးတယ်။

မင်းဟဒီကမ္ဘ္ဘာကြီးရဲ့ ကမ်းမြောင်ငယ်တစ်ခုက ကြောက်စရာကောင်းတဲ့ ပန်းတစ်ပွင့်ဆိုတာ...

ဒေ၀ံဒြာနတ်နဲ့ ဆာရဒဒေဝီတို့ရဲ့ သား..ရာဘီ ရယ်၊ မင်းရွာနားက ဆြာထွန်းရယ်၊ ဗီသိုဘင်ရယ်၊ မင်းချစ်တဲ့ ကိုဘင်းရယ်က တထစ်ချ ယုံကြတယ်။

မင်းဟာ သွေးလေမမှန်တဲ့ ကုလားတန်လွင်ပြင်မှာမှ...

ဖူး ငုံ ပွင့် အာ လာတဲ့ လာဗင်ဒါ တစ်ခက်..

မင်းဟာ ကျော်စိုးဦး…

သူ့အတွက် စာနယ်ဇင်းအဖွဲ့အစည်းတွေတင်မက အမေရိကန် သံရုံးကတောင် တောင်းဆိုမှု၊ ဆန္ဒဖော်ထုတ်မှုတွေ လုပ်နေပေမယ့်လည်း သူကတော့ အခုအချိန်အထိ သံတိုင်တွေရဲ့ နောက်ကွယ်မှာပဲ ရှိပါသေးတယ်။

သတင်းတွေလည်း ရေးသလို ကဗျာတွေကိုလည်း ချစ်တဲ့ ကိုကျော်စိုးဦးကတော့ သူ့ရဲ့ ကဗျာတွေကို အခုတော့ မသီကုံးနိုင်သေးပါဘူး။ သူယုံကြည်တဲ့ လုပ်ငန်းအတွက် အခုအချိန်အထိ သူ တိုက်ပွဲ ၀င်နေရတုန်းပါပဲ။

ညနေတွေထဲက ညနေ

“ညနေတွေထဲမှာ တစ်ချိန်က ကိုယ်တစ်ယောက်တည်း မြို့ရဲ့ မြစ်ကြီး ကို ငေးမောကြည့်ခဲ့ဖူးတယ်။ ကြက်သွေးရောင် ကိုးရီယားဒီဇိုင်း စက်ဘီး လေးကို စီးရင်း ပေါ့။ တစ်ဘက်က တောင်တန်းတွေကို ကြည့်ရင်း အတွေးတသီကြီးထဲမှာ မရေးဖြစ်သေးတဲ့ စာကြောင်းတွေ၊ မလေ့လာ ဖြစ်သေးတဲ့ ပညာရပ်အကြောင်းတွေ တွေးရင်း အလေ့အကျင့် မဖြစ်သေးတဲ့ လေ့လာမှုတွေအတွက် စိတ်ကူးဆန်နေခဲ့ဖူးတယ်။

ညနေတွေထဲမှာ ဖြစ်မလာသေးတဲ့ ညနေတွေ အကြောင်းကို တွေးရင်း ညနေ အိမ်ပြန်ချိန်တွေ၊ ညနေအားလပ်ချိန်တွေ တန်ဖိုးထားတတ်လာပြီ လူတွေဟာ ပြောင်းလဲခြင်းရဲ့  သင်္ကေတကိုများ ကိုယ်စားပြုသလား မသိ။
နေထိုင်မှုပုံစံတွေကညနေတွေထဲမှာအမြဲပြောင်းတယ်”

၂၃.၁၁.၂၀၁၇ က သူ့ရဲ့ ဖေ့ဘုတ်ပေါ်မှာ ရေးခဲ့တဲ့ ကဗျာလေးကို အမှတ်တရ ပြန်လည် ဖော်ပြလိုက်တာပါ။

ထွဏ်းမောင်
Read more »

ရန်ကုန်၊ ဇန်န၀ါရီ ၈

“ခိုးတဲ့သူတွေက အရင်ကတော့ ရှိတယ်။ အဲဒီတုန်းက ဈေးကလည်း တစ်ထောင်ကျော်လေ။ အဲဒီတုန်းက ကိုယ်ဝင်းထဲ လာပြီးတော့ ခိုးတာ သိပေမယ့် ပြန်မပြောရဲဘူး။ သူတို့က လူအုပ်နဲ့ လာတာ။ ကိုယ်က အော်လို့ သိသွားရင် နေရင်းထိုင်ရင်း အသေပျောက်မှာလေ။ အခုဈေးကျတော့ ခိုးတဲ့သူကို မရှိတော့တာ” လို့ ဆိုလိုက်သူက ကိုကျော်ဋ္ဌေးဝင်း။ ကိုကျော်ဋ္ဌေးဝင်းက သူ့ရှေ့က လက်လှဲ့ ရာဘာကြိတ်စက်ထဲ လောင်မီး (ဆာလဖျူရစ်အက်ဆစ်) နဲ့ ရောမွှေသမထားတဲ့ ရာဘာအတုံးကြီးကို ထည့်ရင်း ပြောပြနေတာပါ။

သူက မွန်ပြည်နယ်၊ ကျိုက်ထိုမြို့က။ နေရာအတိအကျဆိုရင် ကျိုက်ထီးရိုးတောင် အောက်ခြေ၊ ကင်မွန်းစခန်းက သွားရင် မိနစ် ၃၀ လောက် လမ်းလျှောက်ရတဲ့ ဆောင်နိုင်ကြီးကျေးရွာက ရာဘာခြံတစ်ခုမှာ ပိုင်ရှင်နဲ့ အကျိုးတူ လုပ်နေသူ။ သူက တစ်ဖက်က ရာဘာကြိတ်စက်ထဲ ရာဘာပြားကို ထည့်နေရင်း “သား…ဆက်လှည့်လိုက်ဦး” လို့ တစ်ဖက်ကို ငဲ့စောင်းကြည့်ရင်း ပြောလိုက်ပါတယ်။ သူ့ဘေးမှာ ရာဘာကြိတ်စက်ကို လှည့်နေသူက အသက် ကိုးနှစ်အရွယ် သားငယ် မောင်ဝင်းဇော်ထွန်း။ သူက တတိယတန်းကျောင်းသား။ ရာဘာခြံရှိရာ နေရာတွေမှာ အသက်မွေးရတဲ့ မိဘတွေကြောင့် ကျောင်းပညာရေးကို စွန့်ခွာပြီး မိဘနဲ့အတူ လက်ရည်တစ်ပြင်တည်း အလုပ်လုပ်နေရသူ။

ကိုကျော်ဋ္ဌေးဝင်းက အရင်က မွန်ပြည်နယ်၊ မော်လမြိုင်မြို့ဘက်က ရာဘာခြံတစ်ခုမှာ အလုပ်လုပ်ရင်းကနေ အခု အလုပ်လုပ်နေတဲ့ ရာဘာခြံဘက်ကို ပြောင်းလာပြီး ထက်ဝက်စားအနေနဲ့ လုပ်ကိုင်နေတာပါ။ ထက်ဝက်စားဆိုတာ ပိုင်ရှင်က မြေနဲ့ ရာဘာပင်တွေအတွက် အကုန်အကျခံရပြီး အကျိုးတူလုပ်သူဘက်က လုပ်အားနဲ့ တခြားသော ရာဘာပြား လုပ်ဆောင်ရာမှာ လိုအပ်တဲ့ ပစ္စည်းကိရိယာတွေအတွက် အကုန်အကျခံရတာပါ။ ပြီးရင်တော့ ရလာတဲ့ ရာဘာပြားတွေကို ထက်ဝက်စီ ခွဲဝေယူကြရတာပါ။

သူ လုပ်နေတဲ့ ရာဘာခြံက ၁၄ ဧကကျော်ရှိပြီး ပျမ်းမျှ တစ်ရက်ကို နှစ်ပေါင်ခွဲရှိတဲ့ ရာဘာချပ်ပေါင်း ရှစ်ချပ်လောက် ထွက်တဲ့ ကိုကျော်ဋ္ဌေးဝင်းအတွက် ဝေစုကတော့ လေးချပ်ရပါတယ်။ ရာဘာပေါက်ဈေးက ၂၀၁၈ ခုနှစ် ဇန်န၀ါရီလ လဆန်းပိုင်းမှာ တစ်ပေါင်ကို ကျပ် ၆၀၀ ကျော် သာ ဈေးပေါက်တဲ့အတွက် သူရရှိတဲ့ ဝေစုနဲ့ တွက်ကြည့်မယ်ဆိုရင် တစ်ရက်ကို ကျပ် ၆၀၀၀ ကျော်သာ ၀င်ငွေ ရှိတယ်လို့ ဆိုပါတယ်။

ဒါပေမဲ့လည်း အဲဒီဝင်ငွေရဖို့အတွက် သူ အပါအ၀င် သူ့ရဲ့ သားနဲ့သမီးရဲ့ လုပ်အားတွေလည်း ပါဝင်ပါတယ်။ အသက် ခုနှစ်နှစ်အရွယ် သမီးနဲ့ ကိုးနှစ်အရွယ် သားဖြစ်သူ မောင်ဝင်းဇော်ထွန်းတို့က ရာဘာခြစ်တာ၊ ရာဘာပြား ထုတ်တဲ့ လုပ်ငန်းတွေ ပါဝင်ကူညီပေးနေကြရပါတယ်။ ဒါ့အပြင် အသက် ငါးနှစ်အရွယ် သားအငယ်ဆုံးကလေးက ရာဘာကြိတ်စက်မှာ ရာဘာပြားတွေ လုပ်တဲ့အခါ သူနိုင်တဲ့ ၀န်နဲ့ ၀ိုင်းဝန်းကူညီပေးတာ မပါသေးပါဘူး။

ရာဘာဈေးကလည်း ကုန်သည်ပွဲစားတွေရဲ့ ပါးစပ်ပေါ်မှာ မူတည်နေပြီး ဈေးကောင်းရတဲ့ စောင့်ဆိုင်းဖို့ဆိုတာ ကိုကျော်ဋ္ဌေးဝင်းတို့ မိသားစုအတွက် အဆင်မပြေလှပါဘူး။ နေ့စဉ် ရရှိသမျှ မိမိကိုယ်တာ ရရှိတဲ့ ရာဘာပြားတွေကို ကျိုက်ထိုမြို့ပေါ်က ပွဲရုံတွေမှာ နှစ်ရက် တစ်ခါလောက် သွားသွားရောင်းပြီး မိသားစု စားဝတ်နေရေးအတွက် ဖြေရှင်းနေရတယ်လို့ ကိုကျော်ဋ္ဌေးဝင်းက ဆိုပါတယ်။ 

အောက်ချင်းသစ္စာ သတင်းအေဂျင်စီ
Read more »

ဖျက်သိမ်းလိုက်သည့် ကြံ့ခိုင်ရေးပါတီ ဗဟိုဦးဆောင်ကော်မတီ အဖွဲ့ဝင် ဦးစိုးသာနှင့် လက်ရှိ အာဏရ NLD ပါတီ ပြောခွင့်ရပုဂ္ဂိုလ် ဦးဝင်းထိန်တို့ကို လွှတ်တော်အတွင်း တွေ့မြင်ရစဉ်

ရန်ကုန်၊ ဇန်န၀ါရီ ၇

ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ၏ ဦးဆောင်ကော်မတီအဖွဲ့ကို ဖျက်သိမ်းလိုက်ပြီဖြစ်ကြောင်း ပါတီ၏ ပြောရေးဆိုခွင့်ရှိသူ ဒေါက်တာနန္ဒာလှမြင့်က ပြည်တွင်းအခြေစိုက် မီဒီယာတစ်ခုဖြစ်သည့် 7 Day သတင်းမီဒီယာသို့ ဖြေကြားလိုက်သည်။

အဆိုပါ ဦးဆောင်ကော်မတီကို ပါတီနာယကတစ်ဖြစ်လဲ ဗဟိုဦးဆောင်ကော်မတီတွင် ပါဝင်သူ သမ္မတဟောင်း ဦးသိန်းစိန်၏ လမ်းညွှန်ချက်ဖြင့် ပြီးခဲ့သည့် ၂၀၁၇ ခုနှစ် ဒီဇင်ဘာလတွင် ပြုလုပ်သည့် ပါတီအစည်းအဝေးတွင် မှတ်တမ်းတင် ဖျက်သိမ်းခဲ့ခြင်းဖြစ်ကာ ယင်းကော်မတီတွင် ဦးသိန်းစိန်၊ ဦးဌေးဦး၊ သူရ ဦးအေးမြင့်၊ ဦးလွန်းသီ၊ ဦးတင်ထွဋ်၊ ဦးစိုးသာ၊ ဦးသောင်း၊ ဦးခင်အောင်မြင့်၊ သူရဦးမြင့်အောင်တို့ ပါဝင်သည်။

၂၀၁၆ ခုနှစ်တွင် နေပြည်တော်တွင် ပြုလုပ်သည့် ပါတီ၏ ဒုတိယအကြိမ် ညီလာခံတွင် ပါတီဥက္ကဋ္ဌအဖြစ် ဦးသန်းဋ္ဌေးအား ရွေးချယ်ခဲ့ပြီးနောက် ပါတီဥက္ကဋ္ဌဟောင်းနှင့် သမ္မတဖြစ်သူ ဦးသိန်းစိန်က ပါတီ၏ ဗဟို ဦးဆောင်ကော်မတီ နာယကအဖြစ် ပါတီအား ဆက်လက်ဦးဆောင်ခဲ့ခြင်းလည်း ဖြစ်သည်။

၂၀၁၅ ရွေးကောက်ပွဲ ရလဒ်အပေါ် မူတည်၍ ပါတီကို မူမပြောင်းဘဲ လူပြောင်းရန် စဉ်းစားခဲ့ရာမှ ယင်းကဲ့သို့ လုပ်ဆောင်ခဲ့ခြင်းဖြစ်ကာ ပါတီအား ကျစ်လစ်ခိုင်မာအောင် တည်ဆောက်၍ ၂၀၂၀ ရွေးကောက်ပွဲ အောင်နိုင်ရေးကို ဆက်လက်လုပ်ဆောင်သွားမည်ဖြစ်ကြောင်း ယင်းပါတီညီလာခံတွင် ပါတီပြောခွင့်ရပုဂ္ဂိုလ် ဦးခင်ရီ (ရဲချုပ်ဟောင်း)က ပြောဆိုခဲ့ဖူးသည်။ ယင်းညီလာခံအပြီး ပါတီ၏ တိုင်းနှင့် ပြည်နယ် ဥက္ကဋ္ဌများကိုလည်း မျက်နှာသစ်များဖြင့် ပြင်ဆင်ဖွဲ့စည်းခဲ့သည်။

ဖျက်သိမ်းလိုက်သည့် ဗဟိုဦးဆောင်ကော်မတီအဖွဲ့ဝင်များမှာ ပါတီဝင်အဖြစ် ဆက်လက်ရှိနေကြဦးမည်ဖြစ်ကာ လက်ရှိ ဗဟိုအလုပ်အမှုဆောင်အဖွဲ့၏ ဆောင်ရွက်ချက်များမှာ အားရကျေနပ်ဖွယ်ကောင်းကာ စည်းလုံးညီညွတ်စွာဖြင့် ပါတီလုပ်ငန်းစဉ်များကို အောင်မြင်စေရန် ဦးဆောင်နိုင်သည့် အခြေအနေကို တွေ့ရှိရသဖြင့် ပါတီဦးဆောင်ကော်မတီကို ဖျက်သိမ်းရန် ပါတီဥက္ကဋ္ဌဟောင်းတစ်ဖြစ်လဲ ဦးဆောင်ကော်မတီ နာယက ဦးသိန်းစိန်က လမ်းညွှန်ခဲ့ခြင်းဖြစ်ကြောင်း ဒေါက်တာနန္ဒာလှမြင့်က ပြောဆိုထားသည်။ ထို့ပြင် ဖျက်သိမ်းလိုက်သည့် ဦးဆောင်ကော်မတီဝင် အဖွဲ့များသည် ပါတီအတွက် လိုအပ်သည့် အကြံဥာဏ်များကိုလည်း ဆက်လက်ပေးသွားကြမည် ဖြစ်သည်။

လက်ရှိ ပါတီဥက္ကဋ္ဌ ဦးသန်းဋ္ဌေး ဦးဆောင်သည့် ဗဟိုအလုပ်အမှုဆောင်အဖွဲ့သည် ပါတီ၏ ဆောင်ရွက်ချက်နှင့် လုပ်ငန်းစဉ်များကို ခြောက်လလျှင် တစ်ကြိမ် ဗဟိုဦးဆောင်ကော်မတီအဖွဲ့သို့ ရှင်းလင်းတင်ပြရကာ ဒီဇင်ဘာလအတွင်း ပြီးစီးခဲ့သည့် အစည်းအဝေးအပြီးတွင် ယင်းသို့ လမ်းညွှန်ချက် ပေးခဲ့ခြင်းလည်း ဖြစ်သည်။

လက်ရှိပါတီဥက္ကဋ္ဌဖြစ်သူ ဦးသန်းဋ္ဌေးက ပါတီဥက္ကဋ္ဌ ရွေးချယ်ခံရပြီး ၂၀၁၆ ခုနှစ် သြဂုတ်လ ၂၅ ရက်နေ့က ပါတီကို ဦးဆောင်ခဲ့သူများနှင့် ပတ်သက်၍ "စဉ်ဆက်မပြတ် ဦးဆောင်မှုပေးနိုင်ရန်အတွက် ဗဟိုအလုပ်အမှုဆောင် အဖွဲ့နှင့် အမှုဆောင်အဖွဲ့ အဆင့်ဆင့်တို့ကို မျိုးဆက်သစ်အဖြစ်တာဝန်များ လက်ဆင့်ကမ်းလိုက်သော်လည်း ယခင်ဦးဆောင်ခဲ့ကြသည့် လူကြီးများက အသက်အရွယ်၊ ကျန်းမာရေးနှင့် အကြောင်းအမျိုးမျိုးကြောင့် ရှေ့တန်းက တာဝန်မထမ်းဆောင်နိုင်သော်လည်း ပါတီဗဟိုဦးဆောင်ပုဂ္ဂိုလ်ကြီးများ၊ နာယကကြီးများ၊ အတိုင်ပင်ခံပုဂ္ဂိုလ်ကြီးများအဖြစ် ပါတီကို ရင်အုပ်မကွာ စောင့်ရှောက်ပေးကြမှာဖြစ်သည့်အတွက် အားတက်ရသလို၊ စိတ်ဓာတ်ရေးရာ လုံခြုံမှုလည်းဖြစ်ပါတယ်။ ပါတီရှင်သန် ခိုင်မာရေးအတွက် ပေးလာမယ့် လမ်းညွှန်မှုနဲ့ အကြံဥာဏ်များကိုလည်း လေးစားစွာခံယူလိုပါတယ်” ဟု ၎င်း၏ လူမှုကွန်ရက် စာမျက်နှာပေးတွင် ရေသားခဲ့ဖူးသည်။

အောက်ချင်းသစ္စာ သတင်းအေဂျင်စီ
Read more »

ချင်းပြည်နယ်၊ မင်းတပ်မြို့

ရန်ကုန်၊ ဇန်န၀ါရီလ ၃

ချင်းပြည်နယ် အစိုးရအနေဖြင့် လာမည့် ၂၀၁၈ ခုနှစ်အတွင်း မိမိဒေသ ဖွံ့ဖြိုးရေးအတွက် အဓိကလိုအပ်ချက်ဖြစ်သော အခြေခံအဆောက်အအုံများဖြစ်သည့် လမ်း၊ တံတား၊ လျှပ်စစ်မီး၊ ဆက်သွယ်ရေးနှင့် သောက်သုံးရေ ရရှိရေးကဏ္ဍများ ဖွံ့ဖြိုးတိုးတက်စေရေးအတွက် ဦးစားပေးရင်းနှီးမြှုပ်နှံ ဆောင်ရွက်သွားမည်ဖြစ်ကြောင်း ချင်းပြည်နယ်ဝန်ကြီးချုပ်၏ နှစ်သစ်ကူး နှုတ်ခွန်းဆက်စကားတွင် ဖော်ပြထားသည်။

ဇန်န၀ါရီလ ၁ ရက်က ထုတ်ပြန်ခဲ့သည့် ပြည်နယ်ဝန်ကြီးချုပ် (ဦး)ဆလိုင်းလျန်လွယ်၏ အဆိုပါ နှစ်သစ်ကူး နှုတ်ခွန်းဆက်စကားတွင် “၂၀၁၈ ခုနှစ်အတွင်း ချင်းပြည်နယ်အတွင်းရှိ လမ်း၊ တံတား၊ လျှပ်စစ်မီး၊ ဆက်သွယ်ရေးနှင့် သောက်သုံးရေ စသည့် အခြေခံအဆောက်အအုံများ ပိုမိုတိုးတက် ကောင်းမွန်လာစေရန် ဆက်လက်ဦးစားပေးရင်းနှီးမြှုပ်နှံဆောင်ရွက်သွားမည်” ဟု ဖော်ပြထားခြင်း ဖြစ်သည်။

လူမှုစီးပွား ဖွံ့ဖြိုးရေးအတွက် အလို့ငှာ မြို့ပြများ ခေတ်မီဖွံ့ဖြိုးရေး၊ ခရီးသွားလုပ်ငန်းကဏ္ဍ၊ အသေးစားနှင့် အလတ်စား စီးပွားရေးလုပ်ငန်းများအပါအ၀င် အခြားကဏ္ဍများတွင်လည်း ပြည်တွင်းပြည်ပ ရင်းနှီးမြှုပ်နှံမှုများကို ဆက်လက်ဖိတ်ခေါ် သွားမည်ဖြစ်ကြောင်း၊ ထို့ပြင် သဘာဝသယံဇာတ ထိန်းသိမ်းရေး၊ စာပေနှင့် ယဉ်ကျေးမှုအပါအ၀င် ရှားပါးဓလေ့အမွေအနှစ်များ ဖော်ထုတ်ထိန်းသိမ်းရေးနှင့် ဒေသတွင်း အတူနေထိုင်သူများ အချင်းချင်း အပြန်အလှန်လေးစား ယုံကြည်မှုနှင့် သဟဇာတဖြစ်ရေးတို့ကိုလည်း ဆက်လက်အားပေးမြှင့်တင် ဆောင်ရွက်သွားမည်ဖြစ်ကြောင်းလည်း ပြည်နယ်ဝန်ကြီးချုပ်က ပြောဆိုထားသည်။

၂၀၁၈ ခုနှစ်အတွက် ပြည်နယ်အစိုးက အထူးအာရုံစိုက် လုပ်ဆောင်မည့်ကိစ္စအနေဖြင့် ကလေးသူငယ်များ၏ ပညာရေး၊ ကျန်းမာရေးအပြင် အလုပ်အကိုင်အခွင့်အလမ်းများ ပေါ်ထွက်ဖြစ်ထွန်းကာ လူငယ်များအတွက် နေပျော်ဖွယ်ကောင်းသော ပြည်နယ်ဖြစ်လာရေးအတွက် လုပ်ဆောင်မည့် ကိစ္စရပ် ဖြစ်သည်။

ချင်းပြည်နယ်၏ စာတတ်မြောက်နှုန်းမှာ ၇၉.၄ ရာခိုင်နှုန်းရှိပြီး မြန်မာတစ်နိုင်ငံလုံး၏ စာဖတ်မြောက်နှုန်းမှာမူ ၈၉.၅ ရာခိုင်နှုန်းရှိကြောင်း ၂၀၁၄ ခုနှစ် သန်းခေါင်းစာရင်းအချက်အလက်များတွင် ဖော်ပြထားသည်။ ထို့ပြင် လူဦးရေအချိုးအစားအရ အသက် ၁၅ နှစ်မှ ၆၄ နှစ်အရွယ် သက်လက်ပိုင်းမှာ ပြည်နယ်စုစုပေါင်း လူဦးရေ၏ ၅၅.၂ ရာခိုင်နှုန်းရှိပြီး အသက် ၁၅ နှစ်အောက်မှာ ၄၀ ရာခိုင်နှုန်းရှိသည်။

ချင်းပြည်နယ်အတွင်း လူမျိုးစုကွဲများစွာရှိကာ မြို့နယ်နှင့် မျိုးနွယ်စုများအကြား မျှတသော ဖွံ့ဖြိုးမှုနှင့် ဘက်မျှသော ပါဝင်မှု ခိုင်မာရေး၊ တရားဥပဒေစိုးမိုးမှုနှင့် ဒီမိုကရေစီစနစ် ဆက်လက်ရှင်သန်ခိုင်မာရေးနှင့် တိုင်းပြည်၏ ဖွံ့ဖြိုးမှုအနည်းဆုံးပြည်နယ်အဆင့် လွတ်မြောက်ရေးကိုလည်း ဆက်လက်ကြိုးပမ်းမည်ဖြစ်ကြောင်း ပြည်နယ်ဝန်ကြီးချုပ် (ဦး) ဆလိုင်းလျန်လွယ်၏ ၂၀၁၈ ခုနှစ်အတွက် နှစ်သစ်ကူး နှုတ်ခွန်းဆက်စကားတွင် ထည့်သွင်းပြောကြားထားသည်။

အောက်ချင်းသစ္စာ သတင်းအေဂျင်စီ
Read more »
Subscribe to: Posts (Atom)