စစ်ကိုင်းတိုင်း၊ ကလေးဝမြို့ အထွက် ကလေးဝ-ကလေးလမ်းပေါ်ရှိ အောင်သိဒ္ဓိ စေတီတော်အနီး ကားလမ်းမြေသားပဲ့ကျနေမှုမှာ အဆိုပါလမ်းအား အားထားသွားလာနေရသည့် ခရီးသွားပြည်သူများအတွက် စိုးရိမ်စရာ အခြေအနေအဖြစ်သို့ ရောက်ရှိနေပါသည်။
ကလေးဝမြို့မှာ ဆိပ်ကမ်းမြို့တစ်ခုဖြစ်ပြီး အခြားပြည်နယ်များမှ အခြေခံစားသောက်ကုန်နှင့် လူသုံးကုန်ပစ္စည်းများ၊ ဆောက်လုပ်ရေးလုပ်ငန်းသုံး အခြေခံကုန်ပစ္စည်းများကို ကလေးဝသို့ ကုန်ကျစရိတ်သက်သာသည့် ရေလမ်းကြောင်းဖြင့် သယ်ယူကာ ကလေးမြို့၊ တမူးမြို့နှင့် ချင်းပြည်နယ် မြောက်ပိုင်းဒေသများသို့ ကလေးဝ-ကလေး ကားလမ်းအသုံးပြုကာ သယ်ယူနေရခြင်း ဖြစ်သည်။
သို့ဖြစ်ပါ၍ တာဝန်ရှိသူများအနေဖြင့် အဆိုပါ ကလေးဝ-ကလေး ကားလမ်းအား ယခုထက် အခြေအနေမဆိုးဝါးခင် အမြန်ဆုံး ပြုပြင်ပေးစေလိုကြောင်း အောက်ချင်းသစ္စာ သတင်းအေဂျင်စီမှ တစ်ဆင့် တောင်းဆိုအပ်ပါသည်။
ကလေးဝ-ကလေး ကားလမ်း အသုံးပြုနေသူများ (၁၇ စက်တင်ဘာ ၂၀၁၆)
Post A Comment: