သဘောရိုးဖြင့်ဟု ရှင်းလင်းပြီးနောက် လူ့အခွင့်အရေးကော်မရှင်အဖွဲ့ဝင်လေးဦး နုတ်ထွက်

ရန်ကုန်၊ အောက်တိုဘာ ၆

အိမ်အကူ အလုပ်သမနှစ်ဦးအား ညှင်းပန်းနှိပ်စက်မှုတွင် ကြားဝင်စေ့စပ် ကြေအေးစေခဲ့မှုဖြင့် ထိရောက်စွာ အရေးယူပေးရန် လွှတ်တော်က အတည်ပြုခဲ့ပြီးနောက် အောက်တိုဘာလ ၆ ရက်တွင် မြန်မာနိုင်ငံ အမျိုးသားလူ့အခွင့်အရေးကော်မရှင်အဖွဲ့ဝင် လေးဦးအား ၎င်းတို့၏ သဘောဆန္ဒအရ ရာထူးမှ နုတ်ထွက်ခွင့်ပြုလိုက်ပြီဖြစ်ကြောင်း နိုင်ငံတော်သမ္မတရုံးက ကြေညာချက် ထုတ်ပြန်လိုက်သည်။

ရန်ကုန်မြို့၊ ကျောက်တံတားမြို့နယ်၊ အင်းဝအပ်ချုပ်ဆိုင်တွင် ဆိုင်ပိုင်ရှင် မိသားစုများက အိမ်အကူ အလုပ်သမနှစ်ဦးအပေါ် လူသားချင်းစာနာမှု ကင်းမဲ့စွာ ညှဉ်းပန်းနှိပ်စက်ခဲ့မှုဖြစ်ရပ်တွင် လူ့အခွင့်အရေး ကော်မရှင်က ကြားဝင်ညှိနှိုင်းကာ ကျေအေးစေခဲ့သည့် လုပ်ရပ်နှင့် ပတ်သက်၍ ကော်မရှင်အဖွဲ့ဝင်အချို့အား ထိရောက်စွာ အရေးယူပေးရန် ပြည်သူ့လွှတ်တော်တွင်း ဆွေးနွေးကာ စက်တင်ဘာလ ၂၆ ရက်က အတည်ပြုပြီးနောက် ၁၁ ရက်မြောက်နေ့တွင် ၎င်းတို့ သဘောဆန္ဒအရ နုတ်ထွက်ခွင့်ပြုကြောင်း ကြေညာခဲ့ခြင်း ဖြစ်သည်။

မိမိသဘောအရ နုတ်ထွက်ခွင့်ပြုလိုက်သည့် ကော်မရှင်အဖွဲ့ဝင်များမှာ ဦးဇော်ဝင်း၊ ဒေါက်တာဉာဏ်ဇော်၊ ဒေါက်တာဒေါ်သန်းနွဲ့နှင့် ဒေါ်မြမြတို့ ဖြစ်သည်။

လွှတ်တော်အတွင်း ကော်မရှင်အဖွဲ့၏ လုပ်ဆောင်ချက်နှင့် ပတ်သက်၍ ကော်မရှင်အဖွဲ့ဝင် ဦးဇော်ဝင်းက ရှင်းလင်းခဲ့ရာတွင် မိမိတို့၏ လုပ်ဆောင်ချက်မှာ သဘောရိုးဖြင့် လုပ်ဆောင်ခဲ့ခြင်းဖြစ်ကြောင်းကို လူ့အခွင့်အရေးကော်မရှင် ဥပဒေ ပုဒ်မ (၆၂) အား ကိုးကား၍ ရှင်းလင်းခဲ့သည်။

ယင်းပုဒ်မ ၆၂ တွင် “ဤဥပဒေအရ ပေးအပ်ထားသော တာဝန်နှင့် လုပ်ပိုင်ခွင့်များကို သဘောရိုးဖြင့် ဆောင်ရွက်ခြင်း၊ ဆောင်ရွက်ရန်ပျက်ကွက်ခြင်းနှင့် သဘောထားမှတ်ချက်ပေးခြင်း သို့မဟုတ် ထင်မြင်ချက်ပေးခြင်း ထို့အတွက် ကော်မရှင်ကိုဖြစ်စေ၊ ကော်မရှင်အဖွဲ့ဝင်ကိုဖြစ်စေ၊ ကော်မရှင်က တာဝန်ပေးအပ်ခြင်းခံရသူကိုဖြစ်စေ ပြစ်မှုကြောင်းအရာသေ်ာလည်းကောင်း တရားမကြောင်းအရသော်လည်းကောင်း တရားစွဲဆိုခြင်းမပြုရ” ဟု ပြဋ္ဌာန်းထားသည်။

ကော်မရှင်အဖွဲ့ဝင် လေးဦး နုတ်ထွက်ခြင်းမှာလည်း ယင်းဥပဒေပုဒ်မ (၁၇) အရ လုပ်ဆောင်ခဲ့ခြင်းသာ ဖြစ်ပြီး ပုဒ်မ (၁၇) တွင် “ကော်မရှင်ဥက္ကဌမှအပ ကော်မရှင်အဖွဲ့ဝင်တစ်ဦးသည် တာဝန်ထမ်းဆောင်နေစဉ် အကြောင်းတစ်ခုခုကြောင့် မိမိသဘောဆန္ဒအလျောက် ရာထူးမှ နုတ်ထွက်လိုလျှင် ထိုသို့နုတ်ထွက်လိုကြောင်းကို ကော်မရှင်ဥက္ကဋ္ဌမှ တစ်ဆင့် နိုင်ငံတော်သမ္မတထံ စာဖြင့် တင်ပြပြီး ရာထူးမှ နုတ်ထွက်နိုင်သည်” သည်ဟု ဖော်ပြထားသည်။

အင်းဝအပ်ချုပ်ဆိုင်တွင် ဖြစ်ပွားခဲ့သည့် အသက်မပြည့်သေးသည့် အိမ်အကူ အမျိုးသမီးငယ်နှစ်ဦးအား ကိုယ်လက်အင်္ဂါ ချို့ယွင်းသည့်အထိ နှိပ်စက်ခဲ့မှုနှင့် ပတ်သက်၍ ကျူးလွန်ခဲ့သူများဖြစ်သည့် ဆိုင်ပိုင်ရှင် မိသားစုဝင် ခြောက်ဦးအား တရားစွဲဆိုထားသည်။

အောက်ချင်းသစ္စာ သတင်းအေဂျင်စီ