 |
| ဓာတ်ပုံ - ပြည့်အောင် |
ရင်းနှီးမြှုပ်နှံမှုဥပဒေသစ်အရ ပွင့်လင်းမြင်သာ ဖြေလျော့ပေးပြီး အာမခံချက်ရှိသော ၀န်းကျင်ကို ရရှိစေမှာ ဖြစ်သည့်အတွက် ဥရောပသမဂ္ဂ EU အနေဖြင့် ကဏ္ဍ ၁၁ ခုတွင် ရင်းနှီးမြှုပ်နှံပေးကြစေလိုကြောင်း ဒုသမ္မတ ဦးမြင့်ဆွေက ယနေ့ ပြောဆိုလိုက်သည်။
ဇွန်လ ၆ ရက်က နေပြည်တော်ရှိ Kempinsky ဟိုတယ်တွင် ပြုလုပ်သော Myanmar-EU Economic Forum တွင် ပြောဆိုလိုက်ခြင်းဖြစ်ကာ အဆိုပါဖိုရမ်အား ဥရောပကုန်သည်ကြီးများအသင်းက စီစဉ်ကျင်းပပေးခြင်း ဖြစ်ပြီး ရင်းနှီးမြှုပ်နှံစေလိုသော ကဏ္ဍ ၁၁ ခုတွင် ကုန်ထုတ်လုပ်ငန်းများအပြင် ၀န်ဆောင်မှုလုပ်ငန်းများလည်း ပါဝင်သည်။
“ဦးစားပေးလုပ်ငန်းတွေဖြစ်တဲ့ အခြေခံအဆောက်အဦကဏ္ဍ၊ လယ်ယာကဏ္ဍ၊ တိရစ္ဆာန်နှင့် ရေထွက်ပစ္စည်း မွေးမြူထုတ်လုပ်ခြင်းလုပ်ငန်းများ၊ ပို့ကုန်မြှင့်တင်နိုင်မယ့် ကုန်ထုတ်လုပ်ငန်းများ၊ သွင်းကုန်အစားထိုး ကုန်ထုတ်လုပ်ငန်းများ၊ စွမ်းအင်ကဏ္ဍဆိုင်ရာ လုပ်ငန်းများ၊ အုပ်ချုပ်ထောက်ပံ့မှုဆိုင်ရာလုပ်ငန်းများ၊ ပညာရေးဝန်ဆောင်မှုလုပ်ငန်းများ၊ ကျန်းမာရေးဝန်ဆောင်မှုလုပ်ငန်းများ၊ တန်ဖိုးနည်းအိမ်ရာ တည်ဆောက်ခြင်း၊ စက်မှုမြို့တော် တည်ဆောက်ခြင်းလုပ်ငန်းများမှာ ရင်းနှီးမြှုပ်နှံပေးကြဖို့ ဖိတ်ခေါ်လိုပါတယ်” ဟု ဒုသမ္မတ ဦးမြင့်ဆွေက ဖိုရမ်အဖွင့်မိန့်ခွန်းတွင် ထည့်သွင်းပြောဆိုလိုက်သည်။
၂၀၁၈ ခုနှစ် ဧပြီလအထိ စာရင်းဇယားများအရ မြန်မာနိုင်ငံတွင် EU အဖွဲ့ဝင်နိုင်ငံများမှ ရင်းနှီးမြှုပ်နှံထားသည့် ပမာဏမှာ အမေရိကန်ဒေါ်လာ ၆ ဒသမ ၆ ဘီလျံခန့် ရှိကာ နိုင်ငံခြားတိုက်ရိုကjr်ရင်းနှီးမြှုပ်နှံမှု FDI အနေဖြင့် FDI စုစုပေါင်းတန်ဖိုး၏ ၈ ဒသမ ၆၈ ရာခိုင်နှုန်း ရှိသည်။ မြန်မာနိုင်ငံ ကုမ္ပဏီအက်ဥပဒေအရ နိုင်ငံတွင်း ဖွဲ့စည်း ထူထောင် လည်ပတ်နေသည့် EU ကုမ္ပဏီပေါင်း ၃၀၀ ကျော်ရှိကြောင်း ဒုသမ္မတမိန့်ခွန်းတွင် ပါရှိသည်။
EU အနေဖြင့် မြန်မာနိုင်ငံအပေါ် ထားရှိသည့် တားဆီးပိတ်ပင်မှုများကို ၂၀၁၂ ခုနှစ် ဧပြီလမှစ၍ ရပ်ဆိုင်းခဲ့ပြီး ၂၀၁၃ ခုနှစ် ဧပြီလတွင် အပြီး ဖယ်ရှားပေးခဲ့ပြီးနောက် နှစ်နိုင်ငံ ကုန်သွယ်မှုများ ပြုလုပ်ခဲ့ပြီးနောက် မြန်မာနိုင်ငံ၏ စတုတ္ထမြောက် နိုင်ငံခြားရင်းနှီးမြှုပ်နှံမှုသူ ဖြစ်လာခဲ့ကြောင်း ဥရောပသမဂ္ဂ မြန်မာနိုင်ငံဆိုင်ရာ သံရုံးက ထုတ်ပြန်ထားသည်။
၂၀၁၅ ခုနှစ် ကုန်သွယ်မှုကိန်းဂဏန်းများအရ ဥရောပမှ မြန်မာနိုင်ငံသို့ တင်သွင်းလာသည့် ကုန်အမယ်များမှာ လေယာဉ်များ၊ စက်ပစ္စည်းများ၊ လျှပ်စစ်ပစ္စည်းနှင့် စက်ကိရိယာများ၊ ဆေးဝါး၊ မှန်ဘီလူး၊ မျက်မှန်နှင့် အလှကုန်တို့ ဖြစ်ပြီး မြန်မာဘက်က တင်ပို့သော ကုန်ပစ္စည်းများမှာ ဆန်၊ ရေထွက်ပစ္စည်း၊ သစ်ထွက်ကုန်ပစ္စည်းနှင့် ပဲတို့ ဖြစ်သည်။
အောက်ချင်းသစ္စာ သတင်းအေဂျင်စီ
Post A Comment: